MAHTE 26:7 - Jinghpaw Common Language Bible 2009

⁷ Yesu shat sha na matu hkrawn taw nga yang, numsha langai mi shang wa nna, nachying hpu ging ai mura sau rawng ai lunghpraw ndum langai mi la sa nhtawm shi a baw hta e ru bun ya wu ai.

Jinghpaw Hanson Version Bible

⁷ nachying hpu ai mura rawng ai lunghpraw gawm lang ai numsha langai mi, shi shat sha na hkrawn taw nga yang, shi hpang de sa nna shi a baw hta e ru bun wu ai.

MAHTE 26:7 ပူးပေါင်းရင်းမြစ်များ

2 HKAWHKAM 9:1

Dai aten laman hte yang, myihtoi Elisha gaw myihtoi ma ni hta na langai mi hpe shaga la nhtawm shi hpe, “Gilead mung na Ramot mare de sa wa na matu shajin da sanu. Ndai tsanlun sau rawng ai namtau hpe mung nang hte rau la sa wa su;

SHAKAWN KUNGDAWN 133:2

Dai gaw, Arun a baw hte nhka mun kaw nna, shi a palawng du hkawp du hkra, byawng hkrat mat wa ai manu dan ai namman sau zawn rai nga ai.

HPAJI NINGLI 10:1

Jinu chyasi ni gaw manam pyaw ai sau palin mi hpe manam hkying shangun lu nga ai zawn, kaji mi angawk ai gaw galu kaba htum ai hpaji byeng-ya hpe jahten kau ya lu nga ai.

HPAJI NINGLI 9:8

Tut nawng kabu gara ai hte kabu pyaw nga u.

Shawlumon A Mahkawn Ga 1:3

Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

MAHTE 26:8

Sape ni dai hpe mu jang, yu pawt nna, “Ndai hpe hpa rai nna lahpawt lama di kau wu ta?,”

MARKU 14:3

Yesu gaw Behtani kahtawng na manggang ana kap yu ai Simun a nta e du nga ai. Ya, Yesu lusha sha dung nga yang, numsha langai mi gaw, nachying hpu ging nna manam pyaw ai mura nardu sau jet hpring hkra rawng ai lunghpraw ndum langai mi lang nna shang wa ai. Shi gaw dai hpe gang daw nna Yesu a baw hta e ru bun ya wu ai.

LUKA 7:46

Nye a baw hpe tsanlun sau n chya ya ndai; shi chyawm gaw nye a lagaw hpe mura chya ya ni ai.