MAHTE 26:67 - Jinghpaw Common Language Bible 2009

⁶⁷ Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

Jinghpaw Hanson Version Bible

⁶⁷ Shaloi shanhte gaw shi a myi man hpe mayen mahtaw bun ai hte shi hpe htwi mu ai:

MAHTE 26:67 ပူးပေါင်းရင်းမြစ်များ

1 HKAWHKAM 22:24

Dai hpang myihtoi Zedekia gaw Mihkaia hpang de sit lung wa nhtawm shi a myi man hpe kahpret ya let, “Dai Madu a wenyi gaw ngai kaw nna pru mat wa nhtawm nang kaw galoi aten e sa shaga yu a ni?,” ngu nna san wu ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

YEREMIA 20:2

shi gaw ngai hpe kayat ai hte Nawku Htingnu kata na lahta Benyamin Chyinghka makau e hpri hte gyit sumroi da mi ai.

SHARUNG SHAYAWT 3:30

Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

SHARUNG SHAYAWT 3:45

Nang gaw anhte hpe mungkan ga a shanut shanaw maza mala shatai kau nit dai.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

BU HKAWM 12:14

Dai Madu mung, “Shi a kawa shi a myi man hpe mayen mahtaw bun ai rai yang sanit ya tup shi hta kaya hkrum nga na rai wu ai. Dai re ai majaw shi hpe bat mi tup shinggan e sa nga shangun u, dai hpang shi hpe bai woi wa na rai ndai,” ngu nna htan wu ai.

MAHTE 26:68

“Meshia e, nang hpe bye ai kadai rai nga a ta? Myihtoi ga hte tsun dan mi!,” ngu mu ai.

MAHTE 27:30

Bai shanhte shi hpe mayen mahtaw bun nhtawm, dai kumba yan hpe shanhte la nna, shi a baw hpe kayat ya mu ai.

MAHTE 5:39

Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

MARKU 10:34

Shanhte gaw shi hpe asawng asang di nna, mayen mahtaw bun ai hte, shi hpe anu kayat nhtawm, sat kau na maru ai; rai ti mung masum ya nhtoi a hpang e shi bai hkrung rawt wa na ra ai,” ngu nna tsun mu ai.

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

MARKU 15:19

Shanhte gaw shi a baw hpe mai-aw tawng hte kayat nna, shi hpe mayen mahtaw bun mu ai hte, lahput hput di let shi hpe nawku mu ai.

YAWHAN 18:22

Yesu shing ngu wu yang, makau e tsap nga ai sin nga ai ni hta na langai mi gaw, Yesu hpe kahpret nna, “Hkinjawng Agyi Kaba wa mi ting hpe nang shing nga htan gwi nga n ni!,” ngu wu ai.

YAWHAN 19:3

Shing di nhtawm, shi hpang de shanhte sit sa nna, “Yuda ni a Hkawhkam e, asak galu n ga law!,” ngu nna tsun let shi hpe kahpret ma ai.

1 KORINHTU 4:13

Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.

TARA JAHPRANG 25:9

shi a karat jan mahtang mare ningbaw ni a man e shi kaw sit sa nhtawm shi a kyepdin maga mi raw kau ya nna, shi a myi man hta mayen mahtaw bun ya let, ‘Tinang a kahpu kanau a matu mara matut ya na n hkraw ai wa hpe ning di ga ai,’ ngu nna tsun na rai wu ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.