MAHTE 26:55 - Jinghpaw Common Language Bible 2009

⁵⁵ Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

Jinghpaw Hanson Version Bible

⁵⁵ Dai ahkying hta e, Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu dawhkrawng hte rai pru sa wa marin ni? Sharin shaga nga let nawku Htingnu hta e, ngai shani shagu dung nga timung, nanhte ngai hpe n rim la manit dai:

MAHTE 26:55 ပူးပေါင်းရင်းမြစ်များ

MAHTE 21:23

Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit sa nna, “Nang gaw hpa ahkang hte ndai hte hpe galaw nga n ta? Ndai ahkang nang hpe kadai jaw a ta?,” ngu mu ai.

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MARKU 10:1

Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

MARKU 12:35

Yesu gaw Nawku Htingnu nhku kata e sharin shaga nga yang, shi shanhte hpe ga san san mu ai gaw, “Meshia gaw Dawi a aru arat kashu kasha rai na ra ai, nga nna Tara Sara ni hpa rai tsun lu nga ma ta?

LUKA 19:47

Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

LUKA 20:1

Lani mi hta Yesu gaw, Nawku Htingnu hta masha ni hpe sharin shaga nga ai hte Kabu Gara Shiga hkaw tsun nga yang, hkinjawng agyi ni, Tara sara ni hte agyi salang ni gaw shi hpang de sa ma ai.

LUKA 4:20

Yesu gaw laika hpe katsu kau nna, tara jawng sin ai wa hpe bai ap ya kau nhtawm, dung wu ai. Tara jawng na masha ni yawng mung shi hpe azi yu nga ma ai.

YAWHAN 7:14

Ya dai poi galaw ai nhtoi ganoi ka-ang hkup rai wa jang, Yesu gaw Nawku Htingnu de lung nna sharin shaga nga ai.

YAWHAN 7:28

Yesu gaw Nawku Htingnu e sharin shaga nga yang, “Nanhte ngai hpe kaja wa chye myit ni? Ngai kanang na re ai mung nanhte chye myit ni? Ngai gaw nye a myit hte du sa nngai n rai. Rai ti mung ngai hpe shangun dat ai wa gaw teng man nga ai. Nanhte shi hpe n chye myit dai.

YAWHAN 8:2

Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.