MAHTE 26:49 - Jinghpaw Common Language Bible 2009

⁴⁹ Yuda gaw Yesu kaw hkre di sa nna, “Sara e, nang hta ngwi pyaw nga n ga law!,” ngu nna shi hpe pup wu ai.

Jinghpaw Hanson Version Bible

⁴⁹ Shaloi shi Yesu kaw hkre rai sa nna, Rabai e, a nga n ga,” ngu nna shi hpe pup wu ai.

MAHTE 26:49 ပူးပေါင်းရင်းမြစ်များ

NINGPAWT NINGHPANG 27:26

Dai hpang shi a kawa mung Yaku hpe, “Ngai sha e, ngai kaw sit wa nna, ngai hpe pup e,” ngu nna tsun wu ai.

2 SAMUELA 20:9

Yoab gaw Amasa hpe, “Nye a manang wa e, kaja nga n ni?,” ngu nna tsun let shi hpe pup na matu shi a hkra lata hte Amasa a nhka mun jum da ya wu ai.

GA SHAGAWP 27:6

Jinghku ni gaw nang hpe machyi shangun tim pyi, na a ntsa e kaja ai myit rawng nga ai, rai ti mung; gumlau hpyen wa na a lahpa sa ahpum ai shaloi dai hpe maja u!

MAHTE 23:7

Gat hkan e hkungga lara di shachyen ai hte, masha ni e, ‘Sara’ ngu nna shamying na hpe shanhte sharawng la ma ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

MAHTE 26:25

Shaloi shi hpe ap kau na wa rai nga ai Yuda mung htan nna, “Sara e, ngai rai na a ni?,” ngu nna san wu yang, Yesu gaw, “Nang tsun ai hte maren rai nga ai,” ngu nna shi hpe tsun wu ai.

MAHTE 26:48

Yesu hpe, hpyen ni a lata de ap kau na wa chyawm gaw, “Ngai pup ai wa gaw nanhte ra ai wa rai nga ai. Shi hpe rim la mu!,” ngu nna shanhte hpe kumla jaw da manu ai.

MARKU 15:18

Dai hpang shanhte gaw, “Yuda ni a Hkawhkam asak galu nga u ga law!,” ngu nna jahpoi asawng hkungga jaw mu ai.

LUKA 7:45

Nang ngai hpe pup ai hte n hkalum la ndai; shi chyawm gaw, ngai nhku de shang ai ten kaw nna nye a lagaw hpe pup n sim nga ai.

YAWHAN 19:3

Shing di nhtawm, shi hpang de shanhte sit sa nna, “Yuda ni a Hkawhkam e, asak galu n ga law!,” ngu nna tsun let shi hpe kahpret ma ai.

YAWHAN 4:31

Dai laman sape ni gaw, “Rabai e, shat sha u,” ngu nna shi hpe saw lajin mu ai.

1 HTESALONI 5:26

Kam sham ai ni yawng hpe chyoi pra ai lailen hte shakram hkat mu.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.