MAHTE 26:48 - Jinghpaw Common Language Bible 2009

⁴⁸ Yesu hpe, hpyen ni a lata de ap kau na wa chyawm gaw, “Ngai pup ai wa gaw nanhte ra ai wa rai nga ai. Shi hpe rim la mu!,” ngu nna shanhte hpe kumla jaw da manu ai.

Jinghpaw Hanson Version Bible

⁴⁸ Shi hpe ap kau na wa chyawm gaw, “Ngai pup ai wa gaw, dai wa rai nga ai: shi hpe rim la mu, ngu nna shanhte hpe kumla jaw da manu ai:

MAHTE 26:48 ပူးပေါင်းရင်းမြစ်များ

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

SHAKAWN KUNGDAWN 28:3

Tara n lang ai ni hte mung, n hkru ai amu galaw ai ni hte mung, masha a n-gup aga ni gaw jinghku zawn hku hkau nga ti mung, shanhte a myit masin ni hta n ju n dawng ai myit rawng nga sai ni hte rau ngai hpe hkum daw dan et.

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MAHTE 26:49

Yuda gaw Yesu kaw hkre di sa nna, “Sara e, nang hta ngwi pyaw nga n ga law!,” ngu nna shi hpe pup wu ai.

MARKU 14:44

Yesu hpe hpyen ni a lata de ap kau na wa gaw, “Ngai pup ai masha gaw nanhte ra ai wa nan rai sai. Shi hpe rim la nna atsawm sha hkrak sin let woi mat wa mu,” ngu nna sa rim ai shawa masha ni hpe kumla langai mi jaw tawn da nu ai.