MAHTE 26:46 - Jinghpaw Common Language Bible 2009

⁴⁶ Rawt mu, anhte sa wa saga: yu mu, ngai hpe ap kau na wa gaw nang e du ra ai,” ngu nna shanhte hpe tsun mu ai.

Jinghpaw Hanson Version Bible

⁴⁶ Rawt mu, anhte sa wa saga: yu mu, ngai hpe ap kau na wa gaw ni wa ra ai,” ngu nna shanhte hpe tsun mu ai.

MAHTE 26:46 ပူးပေါင်းရင်းမြစ်များ

MAHTE 26:45

Dai hpang sape ni kaw shi bai nhtang wa nna, “Nanhte gaw naw yup pyaw nga nna hkring sa la nga myit ni? Yu mu! Dai ahkying ni wa magang ra ai rai nna dai Masha Kasha gaw yubak kap ai ni a lata hta e, ap kau ai hkrum na ra ai.

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MARKU 14:42

Rawt mu, anhte sa wa saga. Yu mu, ngai hpe ap kau na masha wa gaw nang e rai nga ai,” ngu nna shanhte hpe tsun mu ai.

LUKA 12:50

Ngai hkam la na hkalup langai mi naw nga ai; dai garai n hkam hkam gaw, ngai nachying myit nni nkri hkrum nga nngai.

LUKA 22:15

Madu gaw, “Ngai nni nkri garai n hkrum yang, nanhte hte rau, Shalai Wa ai Poi sha na ngai grai sharawng da we ai.

LUKA 22:21

Rai ti mung, “Yu mu, ngai hpe ap kau na wa gaw, ndai sha ku hta ngai hte rau rai nga ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

YAWHAN 14:31

Rai ti mung, nye a Wa hpe tsaw ra nga nngai gaw, mungkan ga chye lu na hte, nye Wa e ngai hpe matsun jaw dat ai hte maren she, ngai galaw nga nngai. “Rawt mu, ndai yang kaw na anhte sa wa saga, ngu tsun wu ai.

YAWHAN 21:20

Shaloi Petru kayin yu u yang, Yesu tsaw ra ai sape ngu ai shawng de shana shat sha nga ai shaloi, Yesu a sinda hta shamyet nna, “Madu e nang hpe ap kau na wa gaw kadai mahtang rai ta?,” nga nna san ai sape hkan nang nga ai hpe, mu wu ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

1 SAMUELA 17:48

Goliat gaw Dawi hpang de bai shanang sa wa wu yang, Dawi mung shi hpe htim na nga Hpilisti majan man maga de tin tin kagat shang mat wa wu ai.