MAHTE 26:43 - Jinghpaw Common Language Bible 2009

⁴³ Shi lang mi bai nhtang wa yang, shanhte a myi yup shamwi ai majaw yup pyaw nga ma ai hpe wa mu mu ai.

Jinghpaw Hanson Version Bible

⁴³ Bai nhtang wa yang shanhte a myi yup shamwi ai majaw, shanhte yup pyaw nga ma ai hpe wa mu mu ai.

MAHTE 26:43 ပူးပေါင်းရင်းမြစ်များ

GA SHAGAWP 23:34

Nang gaw nammukdara ntsa kaw hka leng e kanawng adawt shatsang hkrum nna tsaw dat nem dat rai nga ai sanghpaw li a sumpan shadaw ntsa e sanghpaw nang let noi goiwat taw nga ai wa zawn, hkam sha na ra ai.

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 26:44

Bai shi shanhte hpe kau da nna sa mat wa nhtawm, shawng na ga hte maren masum lang ngu na akyu hpyi wu ai.

LUKA 9:32

Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

KASA 20:9

Utuhku ngu ai la shabrang ma langai mi gaw hku wawt hku mahka e yup nga dung nga ai. Pawlu grau grau matut manoi ga tsun galu nga yang yup malap mat wa ai hte nta htap masum kaw na di hkrat mat wa ai. Masha ni shi hpe sa hta pawn yu yang, shi si mat sai.

ROMA 13:1

Shinggyim masha shagu gaw, daru magam ahkang aya lu ai mungdan up hkang ai ni a ga hpe madat mara nga mu ga, hpa majaw nga yang, ahkang aya lu ai ni mung, Karai Kasang kaw na ahkaw ahkang hte sha n rai yang n nga, n tsap lu ai. Ahkang aya hte nga nga ai ni hpe mung Karai Kasang e san da manu ai.