MAHTE 26:42 - Jinghpaw Common Language Bible 2009

⁴² Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

Jinghpaw Hanson Version Bible

⁴² Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

MAHTE 26:42 ပူးပေါင်းရင်းမြစ်များ

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:43

Shi lang mi bai nhtang wa yang, shanhte a myi yup shamwi ai majaw yup pyaw nga ma ai hpe wa mu mu ai.

MAHTE 6:10

Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

MARKU 14:36

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

LUKA 22:42

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.