MAHTE 26:41 - Jinghpaw Common Language Bible 2009

⁴¹ Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

Jinghpaw Hanson Version Bible

⁴¹ agung alau ai kaw n du myit ga, maja nga ai hte akyu hpyi nga mu: wenyi gaw let nga ai, hkum shan mahtang n-gun kya nga ai,” ngu mu ai.

MAHTE 26:41 ပူးပေါင်းရင်းမြစ်များ

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 119:115

Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.

SHAKAWN KUNGDAWN 119:117

Ngai hpe jum da e, shing rai ngai shim nga na nngai; shaloi, na a hkang da ai ga ni hpe tut nawng e, ngai madat mara nga na nngai.

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

MAHTE 24:42

“Dai rai nna, nanhte a Madu gaw gara shani e du sa na hpe nanhte n chye myit dai majaw, amaja nga mu.

MAHTE 25:13

Dai rai nna Yesu gaw, “Dai nhtoi hpe mung, dai ahkying hpe mung, nanhte n chye myit dai majaw amaja nga mu,” ngu nna tsun hpungdim wu ai.

MAHTE 26:38

Dai rai nna, shi shanhte hpe, nye a myit masin si hkra yawn kaba hkrum nga li ai; ngai hte rau amaja nga na nang e naw nga nga mu, ngu mu ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

MARKU 14:38

Agung alau ai hta nanhte n shang myit ga, amaja nga let akyu hpyi nga mu: Wenyi gaw Karai Kasang a myit ra ai lam galaw shangun mayu nga ai rai ti mung, hkum shan mahtang gawng kya nga ai,” ngu nna tsun mu ai.

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a mara ni hpe mung raw kau ya mi; agung alau nga ai shara de mung anhte hpe hkum sa shangun mi,’” ngu nna shanhte hpe tsun mu ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

LUKA 22:40

Dai shara de du jang, shi shanhte hpe, “Nanhte gunglau ai hta n lawm mat myit ga, akyu hpyi nga mu,” ngu nna tsun da mu ai.

LUKA 22:46

Madu gaw, “Hpa rai yup nga myit ta? Gunglau ai de n lawm mat myit ga, rawt nna akyu hpyi nga mu,” ngu nna shanhte hpe tsun mu ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.