MAHTE 26:40 - Jinghpaw Common Language Bible 2009

⁴⁰ Dai hpang Yesu gaw sape ni marai masum kaw shi nhtang wa nna shanhte yup pyaw nga ma ai hpe mu mu ai; dai rai nna shi gaw Petru hpe, “Ataw hkying hkum mi sha pyi, ngai hte rau n maja nga lu myit ni?

Jinghpaw Hanson Version Bible

⁴⁰ Bai, sape ni kaw shi nhtang wa nna, shanhte yup pyaw nga ma ai hpe mu mu ai; dai rai nna shi Petru hpe, “hkying mi sha muk ngai hte rau n maja nga lu myit ni?

MAHTE 26:40 ပူးပေါင်းရင်းမြစ်များ

1 HKAWHKAM 20:11

Hkawhkam Ahab gaw, “Hpyenla jet gaw majan garai n sa yang lu grang ai n rai; majan ngut ai hpang mahtang gumrawng ging nga ai lam, Hkawhkam Benhadad hpe wa tsun ya mi,” ngu nna htan wu ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

MAHTE 25:5

Ya, La ningnan du sa wa na hpe naw la ra nga ai majaw, shanhte nlang yup shamwi nna yup pyaw nga ma ai.

MAHTE 26:35

Petru gaw, “Nang hte rau ngai si yang si u ga, nang hpe ngai n nyet kau lu na nngai!,” ngu nna shi hpe htan wu ai. Kaga sape ni yawng mung dai hte maren tsun nang ma ai.

MAHTE 26:38

Dai rai nna, shi shanhte hpe, nye a myit masin si hkra yawn kaba hkrum nga li ai; ngai hte rau amaja nga na nang e naw nga nga mu, ngu mu ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

MAHTE 26:43

Shi lang mi bai nhtang wa yang, shanhte a myi yup shamwi ai majaw yup pyaw nga ma ai hpe wa mu mu ai.

MARKU 14:37

Dai hpang shi bai wa yu yang sape ni marai masum hte yup pyaw taw nga ma ai hpe wa mu wu ai rai nna, Petru hpe, “Simun e, nang yup pyaw nga n ni? Hkying hkum mi sha pyi maja nga na, n sharang lu myit ni?

LUKA 22:45

Akyu hpyi ai kaw na rawt nna sape ni kaw wa yu yang, shanhte gaw myit yawn myit ba mat ai hte yup nga ma ai hpe wa mu wu ai.

LUKA 9:32

Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

TARA AGYI 9:33

Hpang jahpawt jau jau jan pru ai hte rau mare hpe akajawng sha htim gasat myit. Gala hte shi a masha ni nang hpe hkap gasat na pru sa ma ai shaloi nang rai lu ai made shanhte hpe nyawp di kau u!,” ngu nna tsun wu ai.