MAHTE 26:36 - Jinghpaw Common Language Bible 2009

³⁶ Dai hpang Yesu gaw shi a sape ni hte rau Getsemane ngu ai shara de du ai rai nna, shanhte hpe, “Ngai akyu hpyi na wora de sa nga yang, nang e naw dung nga mala,” ngu wu ai.

Jinghpaw Hanson Version Bible

³⁶ Dai hpang Yesu gaw shanhte hte rau, Getsemane ngu ai shara de du ai rai nna, sape ni hpe, Ngai akyu hpyi na wora de sa nga yang, nang e naw dung nga ma la, ngu wu ai.

MAHTE 26:36 ပူးပေါင်းရင်းမြစ်များ

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.