MAHTE 26:3 - Jinghpaw Common Language Bible 2009

³ Dai shaloi hkinjawng agyi ni hte mung masha ni a salang ni gaw Kayahpa ngu ai hkinjawng agyi kaba wa a htingnu wang kata e zuphpawng hpawng nga ma ai rai nna,

Jinghpaw Hanson Version Bible

³ Dai shaloi e hkinjawng agyi ni hte mung masha ni a salang ni gaw, Kayahpa ngu ai hkinjawng agyi a nta npan e zuphpawng ma ai rai nna,

MAHTE 26:3 ပူးပေါင်းရင်းမြစ်များ

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

YEREMIA 17:27

Rai ti mung, shanhte gaw nye a ga hpe madat mara nna chyoi pra ai shani hku nna Bansa Nhtoi hpe hkan sa lu na ma ai. Shanhte gaw dai nhtoi e Yerusalem mare chyinghka lam ni hku lit hpa mung hpai lai lu na ma ai n rai. Shanhte dai hku galaw ai rai yang, dai Yerusalem mare chyinghka ni hpe ngai wan nat kau na we ai. Dai wan gaw Yerusalem a hkaw htingnu ni hpe hkru kau na ra ai; langai mi mung dai wan hpe sat kau lu na ra ai n rai,” nga nna tsun ai.

MAHTE 26:69

Petru gaw dai wang kata e dung nga yang, Hkinjawng Agyi Kaba wa a nchyang numsha langai mi shi kaw sit sa nna, “Nang mung Galile masha Yesu hte rau nga ga ndai,” ngu wu ai.

MAHTE 27:27

Shaloi Pilat a hpyen ma ni gaw, Yesu hpe munggyi a htingnu nhku de woi wa mu ai rai nna, hpyen la dap ran langai mi ting gaw Yesu a man e grup di nna jahpawng tawn da mu ai.

MARKU 14:54

Petru gaw tsan tsan e Hkinjawng Agyi Kaba wa a nta wang du hkra hkan nang sa wa ai. Dai kaw sin ai ni hte rau wan mang makau e dung nna wan kra lawm nga ai.

MARKU 14:66

Petru chyawm gaw dai wang kata de naw nga nga ai rai nna, Hkinjawng Agyi Kaba wa a nchyang numsha ni hta langai mi shi a makau de sa du ai.

MARKU 15:16

Shaloi hpyen la ni gaw, Yesu hpe Pilat hkawhkam a Pretori htingnu wang kata de woi wa nna, kaga hpyen la ni yawng hpe mung shaga tawn mu ai.

LUKA 22:55

Ya masha ni nta wang ka-ang e wan wut nna hpawng dung nga ma yang, Petru mung shanhte a ka-ang e dung lawm nga ai.

LUKA 3:2

Dai ten hta Anna yan Kayahpa gaw hkinjawng agyi aya hta rai shajang ma ai shaloi, Karai Kasang a mungga gaw nam mali e Zahkaria a kasha Yawhan kaw du ai.

YAWHAN 11:57

Dai shaloi e Hkinjawng Agyi ni hte Hparishe ni gaw Yesu hpe rim la lu hkra, “Kadai rai ti mung shi nga ai shara chye yang gaw tsun shana madun lu na,” nga nna hkang da ma ai.

YAWHAN 18:24

Dai hpang Anna gaw Yesu hpe naw gyit da nga chyalu Kayahpa hpang de sa dat wu ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.