MAHTE 26:29 - Jinghpaw Common Language Bible 2009

²⁹ Nanhte hpe ngai tsun made ai gaw, nye Wa a mungdan hta e, nanhte hte rau, sabyi nnan hpe ngai lu lu na nhtoi du hkra, ndai sabyi ru a asi hta na ngai bai lu na n rai,” ngu nna shanhte hpe gam jaw mu ai.

Jinghpaw Hanson Version Bible

²⁹ nanhte hpe ngai tsun made ai gaw, “Nye Wa a mungdan hta e, nanhte hte rau tsabyi nnan hpe ngai lu lu na nhtoi du hkra, ndai tsabyi ru a asi hta na ngai bai lu lu na n rai,” ngu nna shanhte hpe gam jaw mu ai.

MAHTE 26:29 ပူးပေါင်းရင်းမြစ်များ

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

SHAKAWN KUNGDAWN 4:7

Rai ti mung, nang ngai hpe jaw ya ai kabu gara ai lam gaw, shanhte lu la na ra ai shanhte a nai mam nsi ni hte sabyi ni yawng mayawng hta grau nga ai.

SHAKAWN KUNGDAWN 40:3

Shi gaw ngai hpe mahkawn ga nnan mahkawn shakawn na matu sharin ya ai, dai gaw anhte a Karai Kasang hpe shakawn ai mahkawn langai mi rai nga ai. Law law wa dai hpe mu nna hkrit maja let, Madu hpe shanhte kam hpa nga ma ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 18:20

Hpa majaw nga yang marai lahkawng masum nye a mying hpe gang nna zuphpawng nga ma yang gaw, dai yang shanhte a ka-ang e ngai mung lawm nga nngai,” ngu mu ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MAHTE 26:30

Dai hpang mahkawn mangoi langai mi mahkawn nna, shanhte gaw Tsanlun bum de pru sa wa ma ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MARKU 14:25

Nanhte hpe ngai teng teng tsun made ga, Karai Kasang a Mungdan hta e sabyi nnan hpe ngai lu lu ai nhtoi du hkra, ndai sabyi hpe ngai galoi mung bai lu lu na n rai,” ngu nna tsun mu ai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

YAWHAN 15:11

“Nye a kabu gara ai myit nanhte hta rawng nga na hte, nanhte a kabu gara ai gaw hpring tup wa na matu ga ndai ngai nanhte hpe tsun da ngut chyalu rai sai.

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

YAWHAN 17:13

Ya gaw nang hpang de ngai wa na rai nna, nye a kabu gara ai gaw shanhte a kraw lawang ni hta hpring tup wa malu ga, ngu nna mungkan ga e ndai lam ni ngai tsun da nga nngai.

KASA 10:41

Shing rai shadan dan ai gaw masha shagu hpe n rai, sakse a matu nga nna Karai Kasang e tau hkrau nna lata san da ai anhte ni a man e sha shadan dan mi ai. Anhte gaw shi si ai kaw na bai hkrung rawt wa ai hpang shi hte rau lu rau sha ai ni rai ga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

SHINGRAN 14:3

Dai masha 144,000 gaw, tingnyang man e mung, hkrung ai dusat mali hte salang ni a man e mung, tsap let mahkawn ga ningnan mahkawn mangoi nga ma ai. Ga ntsa na shinggyim masha amyu baw yawng hta na mari la hkrum sai masha 144,000 hta kaga, kadai mung dai mahkawn ga hpe n sharin la lu nga ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.