MAHTE 26:28 - Jinghpaw Common Language Bible 2009

²⁸ Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

Jinghpaw Hanson Version Bible

²⁸ dai gaw, yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai:

MAHTE 26:28 ပူးပေါင်းရင်းမြစ်များ

YEREMIA 31:31

Dai Madu gaw, “Israela hte Yuda amyu masha ni hte ngai ga shaka ningnan tawn da ai aten gaw du wa na ra ai.

JAW JAU 17:11

Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

ZEHKARIA 9:11

Dai Madu gaw, “Nanhte tawn da ai nye a ga shaka ngu ai dazik dawk da ai shagu hkungga ni a asai a majaw, Ngai gaw na a amyu masha ni hpe bawng dung hkrum ai ni hpe hka n rawng ai nhkun kaw nna shalawt dat na nngai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:27

Bai, gawm hpe mung shi la nna, shakawn kungdawn ngut jang shanhte hpe, “Nanhte yawng dai hta na lu mu.

MAHTE 26:29

Nanhte hpe ngai tsun made ai gaw, nye Wa a mungdan hta e, nanhte hte rau, sabyi nnan hpe ngai lu lu na nhtoi du hkra, ndai sabyi ru a asi hta na ngai bai lu na n rai,” ngu nna shanhte hpe gam jaw mu ai.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MARKU 1:4

Shing rai nam mali e Yawhan paw pru nna, hkalup jaw ai hte hkaw tsun nga ai. Shi gaw, “Nanhte a yubak mara ni kaw na kayin wa nna hkalup hkam la mu, shing rai yang Karai Kasang gaw nanhte a yubak mara ni hpe raw dat kau ya na ra ai,” ngu nna masha ni hpe tsun mu ai.

MARKU 14:24

Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

LUKA 22:20

Dai hte maren shana shat sha ngut jang, dai gawm hpe mung shi la nhtawm, “Ndai gaw nanhte a matu ru kau ai, nye a asai hta gaw da ai Karai Kasang a ga shaka ningnan rai nga ai.

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

1 KORINHTU 11:25

Dai hte maren, Shana Shat sha ngut jang, gawm hpe mung shi la nhtawm, “Ndai gawm gaw nye a sai hte dazik dawk nna gaw da ai Karai Kasang a ga shaka ningnan rai nga ai, ndai gawm kaw na sabyi lu ai ten shagu ngai hpe adum nga na matu ndai galaw mu,” ngu nna tsun mu ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

KOLOSE 1:14

Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

KOLOSE 1:20

Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.