MAHTE 26:15 - Jinghpaw Common Language Bible 2009

¹⁵ “Ngai nanhte a lata hta Yesu hpe ap ya jang, ngai hpe gade jaw na myit ta?,” ngu nna san mu ai. Dai rai nna shanhte gaw gumhpraw lap sumshi hti ya mu ai.

Jinghpaw Hanson Version Bible

¹⁵ “Ngai nanhte a lata hta e shi hpe ap ya jang, ngai hpe gade jaw na myit ta?” ngu wu ai. Dai rai nna shanhte gaw gumhpraw lap sumshi, shi e shen ya mu ai.

MAHTE 26:15 ပူးပေါင်းရင်းမြစ်များ

NINGPAWT NINGHPANG 38:16

Yuda gaw lam a wora maga mi de lai sa nhtawm, “Rai sa, nang hpe jahpu kade daram jaw ra na ta?,” ngu nna tsun wu ai. (Shi gaw shi a kanam rai nga wu ai hpe n chye nga ai.) Dai num mahtang, “Nang ngai hpe hpa jaw na n ta?,” ngu nna tsun wu ai.

PRU MAT 21:32

Dai dumsu usu gaw mayam num mayam la daru sat ai rai yang, usu madu gaw mayam madu hpe gumhpraw sumshi wa nna, dai usu hpe mung nlung hte kabai sat kau na rai nga ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

MAHTE 10:4

myu tsaw myit grai rawng ai Kanan masha Simun hte Yesu hpe ap kau ai Yuda Iskarut hte rai ma ai.

MAHTE 26:16

Dai kaw nna Yuda gaw Yesu hpe ap ya na mai ang ai ginjang kaja shi tam nga ai.

KASA 1:18

(Yuda gaw tinang a n hkru n shawp ai amu hte lu la ai gumhpraw hte ga dachyawk langai mi mari la nhtawm, dai ga hta nhtang chyaw di hkrat si mat ai hte shi a kan kapaw ga nna pu kan ni yawng ayai mat salu ai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

TARA AGYI 16:5

Hpilisti hkawhkam manga hte gaw dai num kaw sa nhtawm, “Hpa rai shi n-gun kaba rawng ai mung, anhte shi hpe kaning rai padang dip lu na mung, shi hpe gyit nna shi hpe hpa n di shangun lu hkra re ai lam nang hpe tsun dan lu hkra Samson hpe hpaji daw yu u. Anhte langai hte langai mung nang hpe gumhpraw hkying mi latsa tsa jaw na ga ai,” ngu nna tsun ma ai.

TARA AGYI 17:10

Mihka gaw, “Ngai kaw nga ga. Ngai hpe hpaji jaw ai wa hte nye a hkinjawng tai u, shaloi laning mi hta gumhpraw shi, hpun palawng hte lusha ngai nang hpe jaw na de ai,” ngu nna tsun wu ai.