MAHTE 25:6 - Jinghpaw Common Language Bible 2009

⁶ “Yup tung hpawa e chyawm gaw, ‘Nang e la ningnan wa du ra ai! Shi hpe hkap bawp la na pru mu!,’ nga nna garu pru wa ai.

Jinghpaw Hanson Version Bible

⁶ Yuptung hpawa e chyawm gaw, Yu mu, la nnan wa du ra ai! shi hpe hkap bawp la na pru mu, nga nna garu nga ai.

MAHTE 25:6 ပူးပေါင်းရင်းမြစ်များ

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

AMO LAIKA (AMOS) 4:12

“Dai rai nna, Israela amyu masha ni e, ngai nanhte hpe ari jaw na nngai. Dai amu hpe ngai galaw na rai nga nngai majaw, nye a tara jeyang ai lam hpe hkrum kadup na jin jin rai nga mu!”

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MAHTE 24:44

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 25:5

Ya, La ningnan du sa wa na hpe naw la ra nga ai majaw, shanhte nlang yup shamwi nna yup pyaw nga ma ai.

MAHTE 25:7

Shaloi jang dai mahkawn shi rawt nna tinang a pyengdin lajang shachyi ma ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 12:46

dai wa n myit mada ai shani, n dum n chye ai ten hta nta madu wa du wa nna, nhtum nni adup kau nhtawm, kangka sadi sahka ai lam n nga ai ni hkam la lu na ari kamhtaw hpe hkam la shangun na ra ai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”