MAHTE 25:5 - Jinghpaw Common Language Bible 2009

⁵ Ya, La ningnan du sa wa na hpe naw la ra nga ai majaw, shanhte nlang yup shamwi nna yup pyaw nga ma ai.

Jinghpaw Hanson Version Bible

⁵ Ya la nnan gaw naw la nga ai majaw, shanhte nlang yup shamwi rai nna yup pyaw nga ma ai.

MAHTE 25:5 ပူးပေါင်းရင်းမြစ်များ

Shawlumon A Mahkawn Ga 3:1

Nye a yup ra ntsa e yup nga yang, lana mi a hpang lana mi hta ngai tsaw ra ai wa hpe yup mang mu nngai; Ngai shi hpe tam yu ti mung n mu lu nngai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 5:3

Ngai gaw ntsa palawng raw kau se ai; ngai hpa majaw bai hpun na rai ta? Ngai gaw lagaw shin da ni ai; ngai hpa majaw bai a gang kau na rai ta?

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

MAHTE 24:48

Rai ti mung dai mayam gaw n kaja ai mayam rai nga a yang gaw, ‘Nye a Madu wa na naw na la nga ai,’ nga nna shi a kraw hta e tsun nga ai hte,

MAHTE 25:19

“Ya tawng marang mi na ai hpang, dai mayam ni a madu bai wa nna, shanhte hte jahpan sanglang wu ai.

MAHTE 25:4

myit su nna hpaji rawng ai ni mahtang, tinang a pyengdin ni hte rau, tau ni hta sau hpring hkra lang nga ma ai.

MAHTE 25:6

“Yup tung hpawa e chyawm gaw, ‘Nang e la ningnan wa du ra ai! Shi hpe hkap bawp la na pru mu!,’ nga nna garu pru wa ai.

MAHTE 26:40

Dai hpang Yesu gaw sape ni marai masum kaw shi nhtang wa nna shanhte yup pyaw nga ma ai hpe mu mu ai; dai rai nna shi gaw Petru hpe, “Ataw hkying hkum mi sha pyi, ngai hte rau n maja nga lu myit ni?

MAHTE 26:43

Shi lang mi bai nhtang wa yang, shanhte a myi yup shamwi ai majaw yup pyaw nga ma ai hpe wa mu mu ai.

LUKA 1:21

Dai aten hta shawa masha ni gaw Zahkaria hpe ala nga nna, Nawku Htingnu nhku e na na rawng nga mat ai hpe mau ma ai.

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

LUKA 18:8

Nanhte hpe ngai tsun made ga, shanhte hpang maga alawan tara dara ya na mu ai. Rai ti mung Masha Kasha du sa ai nhtoi hta, ndai mungkan ntsa e makam masham nga nga ai hpe mu lu na a kun?,” ngu mu ai.

LUKA 20:9

Dai shaloi Yesu gaw, masha ni hpe ndai ga shadawn tsun mu ai gaw, “Kalang mi na masha langai mi gaw, sabyi sun langai mi hkai lajang da nna, sun galaw sha ai ni hpe shap ya da nhtawm, na na wa pru sa mat wa ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 2:25

Rai ti mung nanhte lu ai made hpe, ngai du ai du hkra ngang ngang kang kang manat da mu.