MAHTE 25:45 - Jinghpaw Common Language Bible 2009

⁴⁵ Dai rai nna Hkawhkam wa gaw, ‘Ngai nanhte hpe teng teng tsun made ga, ndai kaji htum ai ni hta na langai wa mi hpe nanhte n galaw myit dai majaw ngai hpe n galaw myit dai rai nga ai,’ ngu nna shanhte hpe htan mu ai.

Jinghpaw Hanson Version Bible

⁴⁵ Dai rai nna, Ngai nanhte hpe teng teng tsun made ga, “Ndai ni hta na kaji htum ai wa hpe nanhte n galaw myit dai majaw, ngai hpe n galaw myit dai rai nga ai,” ngu nna shanhte hpe htan na mu ai.

MAHTE 25:45 ပူးပေါင်းရင်းမြစ်များ

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

GA SHAGAWP 17:5

Matsan mayan masha ni hpe nang asawng asang di ai rai yang, shanhte hpe hpan da ai Karai Kasang hpe nang n kaw n law di nga ndai; masha wa a ru yak tsin-yam hpe nang yu kabu ai rai yang, nang ari hkrum sha na rin dai.

KASA 9:5

Shaloi shi gaw, “Madu e nang kadai rai nga n ta?,” ngu nna san wu yang, dai nsen gaw “Nang zingri zingrat ai Yesu rai nga nngai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

SHAKAWN KUNGDAWN 105:15

Madu gaw, “Ngai lata san da sai shangun ma ni hpe hkum machyi shangun myit, nye a myihtoi ni hpe hkum hkra ya mi,” nga nna hkawhkam ni hpe sadi jaw nu ai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

NINGPAWT NINGHPANG 12:3

Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

MAHTE 10:41

Kadai mung, Karai Kasang a myihtoi rai nga ai hpe tau nna, Karai Kasang a myihtoi wa hpe hkap hkalum la ai wa gaw, shi mung myihtoi a shabrai hpe lu la na ru ai. Ding hpring ai wa a myi man hpe tau nna, ding hpring ai wa hpe hkap hkalum la ai wa gaw, ding hpring ai wa a shabrai lu la na ru ai.

MAHTE 25:44

“Shaloi shanhte mung, ‘Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng rawng ai hpe anhte galoi mu nna, nang hpe n gawn lajang, n galaw daw ai nga ga ta?,’ ngu nna shanhte htan na mu ai.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

1 KORINHTU 8:12

Ndai hku nna nanhte gaw tinang a Hkristan hpu nau wa hpe shut nna n-gun kya ai htauli htaula myit hpe hkala nba machyi hkrum shangun myit yang gaw, nanhte Hkristu hpe shut hpyit nga myit dai.