MAHTE 25:43 - Jinghpaw Common Language Bible 2009

⁴³ Ngai manam tai hkawm yang, nanhte a nta ni hta ngai hpe n hkap hkalum la myit dai; singgu krin rai jang, nanhte ngai hpe n jahpun myit dai; ngai machyi hkrum ai hte htawng rawng nga yang, nanhte ngai hpe n gawn lajang myit dai,’ ngu na mu ai.

Jinghpaw Hanson Version Bible

⁴³ ngai manam tai hkawm yang, nanhte ngai hpe n daw myit dai; singgu krin rai jang, nanhte ngai hpe n jahpun myit dai: machyi hkrum ai hte htawng rawng nga yang, nanhte ngai hpe n yu lajang myit dai,’ ngu na mu ai.

MAHTE 25:43 ပူးပေါင်းရင်းမြစ်များ

YOBA 31:19

Ngai gaw bu hpun palawng mari la na matu nau matsan nna ra kadawn nga ai wa hpe mu ai shaloi,

YEREMIA 23:2

Da ndai gaw dai Madu Israela a Karai Kasang shi a amyu masha ni hpe yu bau sin ang ai up hkang du ni hpe lakap nna tsun ai ga rai nga ai: “Nang gaw nye a amyu masha ni hpe n yu ndai; nang gaw shanhte hpe shabra kau ai hte shaden kau nit dai. Ya chyawm gaw nang galaw tawn sai n hkru ai amu ni a majaw, ngai nang hpe ari jaw na de ai.

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

MAHTE 25:36

singgu krin rai jang, nanhte ngai hpe jahpun myit dai; machyi hkrum jang, nanhte ngai hpe gawn lajang myit dai; htawng rawng nga yang, nanhte ngai hpe kawan yu myit dai,’ ngu na mu ai.

MAHTE 25:42

Hpa majaw nga yang, ngai kawsi jang, nanhte ngai hpe sha na n jaw myit dai; hpang gara yang, nanhte ngai hpe lu na n jaw myit dai.

MAHTE 25:44

“Shaloi shanhte mung, ‘Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng rawng ai hpe anhte galoi mu nna, nang hpe n gawn lajang, n galaw daw ai nga ga ta?,’ ngu nna shanhte htan na mu ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

TARA AGYI 19:15

Shanhte gaw dai yang e nga shalai na nga kayin sa wa ma ai. Shanhte gaw mare kata de shang nna mare lam e dung nga ma ti mung nta de wa manam shangun na masha kadai mung n hkap la ma ai.