MAHTE 25:36 - Jinghpaw Common Language Bible 2009

³⁶ singgu krin rai jang, nanhte ngai hpe jahpun myit dai; machyi hkrum jang, nanhte ngai hpe gawn lajang myit dai; htawng rawng nga yang, nanhte ngai hpe kawan yu myit dai,’ ngu na mu ai.

Jinghpaw Hanson Version Bible

³⁶ singgu krin rai jang, nanhte ngai hpe jahpun myit dai: machyi hkrum jang, nanhte ngai hpe yu lajang myit dai; htawng rawng nga yang, nanhte ngai hpe kawan yu myit dai,” ngu na mu ai.

MAHTE 25:36 ပူးပေါင်းရင်းမြစ်များ

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

EZEKELA 18:16

Kadai hpe mung n dip gamyet sha, kadai hpe mung n zingri nga ai. Hkoi shap la ai wa shi hpe tang da ai arai ap da ai arai hpa hpe mung shi bai nhtang ap ya nga ai. Kawsi hpang gara ai wa hpe lusha jaw nna singgu krin re ai wa hpe hpun palawng gam ya nga ai.

EZEKELA 18:7

Shi gaw kadai hpe mung mawp sha ai hte kashun kashe amu galaw nga ai n rai. Arai hkoi shap la ai wa shi hpe tang da ai arai jaw yang, shi bai nhtang ap ya nga ai; shi gaw kawsi hpang gara ai wa hpe lusha jaw nna, singgu krin re ai wa hpe hpun palawng gam ya nga ai.

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

MAHTE 25:37

“Shaloi ding hpring ai ni gaw, ‘Madu e, nang kawsi ai hpe anhte galoi mu nna galaw jaw ga ta? Hpang gara ai hpe anhte galoi mu nna, lu na jaw ga ta?

MAHTE 25:43

Ngai manam tai hkawm yang, nanhte a nta ni hta ngai hpe n hkap hkalum la myit dai; singgu krin rai jang, nanhte ngai hpe n jahpun myit dai; ngai machyi hkrum ai hte htawng rawng nga yang, nanhte ngai hpe n gawn lajang myit dai,’ ngu na mu ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.