MAHTE 25:32 - Jinghpaw Common Language Bible 2009

³² amyu baw shagu hpe shi a man e jahpawng tawn da na ra ai. Dai shaloi shi gaw, sagu rem wa gaw, sagu ni hte bainam ni hpe garan ginhka da ai zawn shanhte hpe garan ginhka da na ru ai.

Jinghpaw Hanson Version Bible

³² amyu baw shagu hpe shi a man e jahpawng tawn da nhtawm, sagu rem wa gaw sagu ni hte bainam ni hpe karan ginhka da ai zawn, shanhte hpe karan ginhka da nna,

MAHTE 25:32 ပူးပေါင်းရင်းမြစ်များ

SHAKAWN KUNGDAWN 1:5

Yubak kap ai ni gaw Karai Kasang a daw dan ai hkrum na mara ai, Karai Kasang a amyu masha kaw nna jahka kau ai hkrum na mara ai.

SHAKAWN KUNGDAWN 78:52

Dai hpang, shi gaw shi a amyu masha ni hpe sagu rem ai wa zawn, woi wa nna; shanhte hpe nam mali hku woi lakawn wa mu ai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MAHTE 13:49

Dai hte maren lamu ga aprat htum ai ten hta mung byin na ra ai. Lamu Kasa ni pru sa nna, ding hpring ai ni a kata na, n hkru ai ni hpe karan da na mu ai rai nna,

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

ROMA 2:12

Mawshe a Tara hpe garai n chye ai maigan masha ni yubak mara galaw ma ai shaloi jep ai Tara hte n re ai sha sum hkrum na mara ai, rai ti mung Yuda ni gaw Tara lu ma ai majaw shanhte yubak galaw nna Tara hte tara dara ai hkrum na mara ai.

ROMA 2:16

Dai rai nna ngai hkaw tsun ai Kabu Gara Shiga hte maren, tara jeyang ai Nhtoi hta e Karai Kasang gaw Yesu Hkristu a lata hte masha nlang hte a makoi magap ai maw mawn ai myit ni hpe jeyang daw dan na ra ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”