MAHTE 25:29 - Jinghpaw Common Language Bible 2009

²⁹ Hpa majaw nga yang, lu ai wa kadai hpe mung, naw jaw nna shi law htam wa na ra ai, rai ti mung n lu ai wa kaw na chyawm gaw shi lu ai kachyi mi hpe pyi naw shaw la kau ya na ru ai.

Jinghpaw Hanson Version Bible

²⁹ lu ai wa kadai hpe mung, naw jaw nna shi law htam wa na ra ai: n lu ai wa kaw na chyawm gaw, shi lu malu hpe pyi naw shaw la na ru ai.

MAHTE 25:29 ပူးပေါင်းရင်းမြစ်များ

SHARUNG SHAYAWT 2:6

Shi gaw anhte shi hpe nawku ai Nawku Htingnu shara hpe adaw atang di agrawp daw kau nu ai; Shi gaw dai chyoi pra ai nhtoi ni hte Bansa Nhtoi ni hpe mung jahtum kau nu ai. Hkawhkam wa hte hkinjawng wa mung shi a pawt sindawng ai n-gun hpe maren hkam sha manu ai.

HOSEA 2:9

Dai re ai majaw mam shu la ai aten hta, ngai gaw nye a kumhpa ni rai nga ai nai mam nsi naisi hte sabyi ntsin re ai hpe bai dawm la kau na nngai, shi a bu hpun palawng a matu ngai jaw ai sagu mun hte lachyit nba ni hpe bai la kau ya na nngai.

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MAHTE 21:41

Shanhte gaw, “Dai n hkru ai masha ni hpe shi teng teng sat kau na mu ai rai nna, sabyi mangai aten hta jaw ra ai asi hkrak hkrak jaw lu ai sun galaw masha kaga ni hpe, dai sun htawt shap ya na ru ai,” ngu nna shi hpe htan mu ai.

MAHTE 25:28

Ya shi a gumhpraw joi mi hpe la kau ya nna, joi shi lu ai wa hpe jaw mu.

MARKU 4:25

Lama ma lu ai wa kadai hpe mung naw jat jaw na ra ai; hpa mung n lu ai wa hpe gaw shi lu ai arai kachyi mi hpe pyi, shi kaw na shaw la kau ya na ra ai,” ngu nna shanhte hpe tsun mu ai.

LUKA 10:42

Rai ti mung, ra grau ai lam gaw langai sha rai nga ai, Mari gaw jaw ai lam lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

YAWHAN 11:48

Anhte shi hpe ndai hku sha dat da nga yang gaw masha yawng mayawng shi hpe kam sham wa na mara ai rai nna, Roma ahkang aya lu ai ni sa nna, anhte a Nawku Htingnu hpe mung, anhte a amyu mungdan ting hpe mung jahten kau na mara ai,” nga ma ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.