MAHTE 25:17 - Jinghpaw Common Language Bible 2009

¹⁷ Joi lahkawng lu ai wa mung dai hte maren ga nna joi lahkawng bai myat la nu ai.

Jinghpaw Hanson Version Bible

¹⁷ Lahkawng lu la ai wa mung dai hte maren ga nna, lahkawng myat la nu ai.

MAHTE 25:17 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

2 SAMUELA 19:32

Barazilai chyawm gaw asak matsat shi ning du sai rai nna dingla ugut gu nga sai. Shi gaw grai sut su ai wa rai nna hkawhkam wa Mahanim mare e wa nga nga yang, shi hpe lusha hte hkap daw wu ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

MAHTE 25:18

Rai ti mung gumhpraw joi mi sha lu ai wa mahtang pru sa nhtawm, nhkun htu nna shi a madu a gumhpraw hpe lup da wu ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.