MAHTE 25:1 - Jinghpaw Common Language Bible 2009

¹ “Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

Jinghpaw Hanson Version Bible

¹ Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 25:1 ပူးပေါင်းရင်းမြစ်များ

SHAKAWN KUNGDAWN 45:14

Nsam amyu hkum ai palawng galu ni hte sumli nna; shi a shingnan hkawn sek ni mung hkan bawp nang ma ai hte, hkawhkam wa hpang de sa wa ma ai.

Shawlumon A Mahkawn Ga 1:3

Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:8

Yerusalem numsha ni e, ngai hpe ga sadi jaw mi, nanhte rai nna nye a tsaw ra hpe mu myit yang, sumtsaw myit machyi ai a majaw ngai hta n-gun kya nga ai lam shi hpe tsun dan ya mi.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

MAHTE 13:24

Ga shadawn kaga mung, shi shanhte hpe tsun mu ai gaw; “Sumsing Lamu a Mungdan gaw hkauna hta nli kaja gat ai wa hte bung nga ai.

MAHTE 13:31

Ga shadawn kaga mung Yesu shanhte hpe kahtap tsun mu ai gaw, “Sumsing Lamu a Mungdan gaw, masha langai mi e la nna shi a yi hta hkai ai chyinghkrang tum hte bung nga ai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 13:47

“Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 20:1

“Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MAHTE 22:2

“Sumsing lamu a Mungdan gaw, kasha a hkungran poi shachyip da ai Hkawhkam langai mi hte bung nga ai.

MAHTE 25:7

Shaloi jang dai mahkawn shi rawt nna tinang a pyengdin lajang shachyi ma ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

YAWHAN 18:3

Dai rai nna Yuda gaw Roma hpyen la palatun langai mi hte hkinjawng agyi ni hte Hparishe ni dat dat ai htingnu sin ai hpyen la ni hpe mung shaga woi sa wa ai. Shanhte gaw pyengdin ni, wan shanan ni, ri nhtu laknak hte rai nna sa wa ma ai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

KASA 20:8

Dai anhte hpawng nga ai ntsa gawk hta e pyengdin law law tu nga ai.

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe jaw da ai matsun maroi ga hte maren, nanhte hkan sa galaw myit dai majaw, ngai nanhte hpe shakawn made ai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

SHINGRAN 19:7

Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 8:10

Bai, masum ngu na lamu kasa gaw shi a pahtau dum dat wu ai: Shaloi, shanan zawn tu grung nga ai shagan kaba langai mi lamu de na di hkrat wa nna, hka nu ni htam masum na htam mi hte hka hpawk hka npun ni a ntsa e hkrat taw nga ai.