MAHTE 24:9 - Jinghpaw Common Language Bible 2009

⁹ “Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

Jinghpaw Hanson Version Bible

⁹ Dai ban e, shanhte gaw ru tsang ai de nanhte hpe ap ya nna, sat kau na marin dai; nye amying a majaw amyu baw shagu nanhte hpe n dawng n wawm na myit dai.

MAHTE 24:9 ပူးပေါင်းရင်းမြစ်များ

GA SHAGAWP 29:27

Ding hpring ai ni gaw tara n lang ai ni hpe n dawng nga nna, tara n lang ai ni gaw ding hpring ai ni hpe n ju nga ma ai.

Daniela 11:33

Amyu masha ni hta hpaji rawng ai ningbaw ni gaw kaga masha law law hpe hpaji byeng-ya karan ya na mara ai. Rai ti mung hkring mi rai jang, shanhte hta na nkau mi majan pa hta nat sat kau hkrum na mara ai; nkau mi mahtang kashun kashe hkrum nna bawng masha tai mat na mara ai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

LUKA 11:49

Dai re ai majaw, Karai Kasang a Hpaji Byeng-Ya tsun ai gaw, ‘Myihtoi hte kasa ni hpe, ngai shanhte hpang de shangun dat na mawe ai rai nna, dai ni hta na nkau mi hpe shanhte sat kau nna, nkau mi hpe zingri zingrat na maru ai.’

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

YAWHAN 15:18

Bai Yesu gaw, “Mungkan masha ni nanhte hpe n dawng n yawt myit yang, nanhte hpe garai n rai yang ngai hpe shawng n dawng n yawt ma ai hpe dum nga mu.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 7:59

Shing rai kabai nga mayang Stehpan gaw akyu hpyi let, “Madu Yesu e Nye a Wenyi hpe hkap la ya rit law!,” nga ai.

1 PETRU 4:16

Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.