MAHTE 24:6 - Jinghpaw Common Language Bible 2009

⁶ Nanhte gaw ni ai, tsan ai shara hkan na majan gasat ai shiga nsen ni na lu na marin dai; rai ti mung myit hkum ru myit. Shing re ai lam ni gaw byin lu na ra ai, rai ti mung, dai ni gaw jahtum nhtoi du sai ngu ai lachyum garai n rai nga ai.

Jinghpaw Hanson Version Bible

⁶ Hpyen gasat ai hte majan law wa na shiga nanhte na lu na maru ai; rai timung, nanhte myit n ru myit ga, sadi dung nga mu: kaning rai nme law, dai re ai ni gaw, byin lu na ra ai rai timung, dai jahtum ai gaw garai n rai nga ai.

MAHTE 24:6 ပူးပေါင်းရင်းမြစ်များ

SHAKAWN KUNGDAWN 112:7

N kaja ai shiga hpe na yang, dai hpe shi n hkrit nga ai; shi a makam masham n-gun ja nga ai hte dai Madu hpe kam hpa nga ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 7:4

Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.

YEREMIA 47:6

Nang gaw, ‘Madu a nhtu e, Kade na hkra kahtam nga na kun? Na a nhtu nhku de bai shang wa u, dai hta azim rai nga u!,’ ngu nna jahtau u.

EZEKELA 21:28

“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai Madu ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

MAHTE 2:3

Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

MAHTE 26:54

Rai ti mung ngai shing di yang, ndai lam byin wa lu na ra ai nga nna Chyum Laika hta tsun da ai hte maren, kaning rai dik wa lu na a ta? ngu nna shi hpe tsun wu ai.

LUKA 21:19

Nanhte gaw dakring dalang rai ngang ngang tsap nga mu, shaloi nanhte hkye hkrang la ai hkrum na marin dai.

LUKA 21:9

Hpyen gasat ai lam ni hte gumlau rawt ai lam ni na yang hkum hkrit myit; dai lam ni shawng byin lu na rai nga ai, rai ti mung, dai ni gaw, jahtum nhtoi ni ra ai ngu mayu ai garai n rai nga ai,” ngu nna tsun mu ai.

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

YAWHAN 14:1

Yesu gaw, “Nanhte myit hkum ru myit; Karai Kasang hpe kam mu, ngai hpe mung kam mi.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

2 HTESALONI 2:2

Madu bai du sa na Nhtoi du ra ai, nga nna masha ni tsun ai ga a majaw, nanhte a myit mang ai lam hta akajawng sha myit shuk shak ai hte n zim n zam rai shamu shamawt mat ai lam n byin malit ga, nanhte hpe shadum shahprang dat nngai. Shing nga ai ga gaw, anhte myihtoi ga tsun ai shaloi, shing n rai mungga hkaw tsun ai shaloi, shing n rai laika ka ai shaloi lawm ai ga re ai ngu nna myit yang myit la na manit dai.

SHINGRAN 6:4

Shaloi gumra kaga, ahkyeng nsan ai gumra langai mi pru wa ai. Dai gumra jawn ai wa hpe, ndai ga ntsa e majan shabyin nna, masha sat hkat shangun na ahkang jaw da wu ai. Shi hpe nhtu kaba langai mi mung jahpye ya wu ai.