MAHTE 24:51 - Jinghpaw Common Language Bible 2009

⁵¹ shi a madu gaw shi hpe azat aza di kau nhtawm, sawt ai ni hkam la ga ai ari shi hpe mung garan hkam la shangun na ra ai rai nna, dai yang e shi gaw hkrap ngu hkrap ngoi ai hte wa udik urin ai rai na ra ai.

Jinghpaw Hanson Version Bible

⁵¹ shi hpe katawng daw kau nhtawm, shi a daw hpe hpyi hpun ai ni hte rau tawn da na ru ai: dai yang e hkrap ngu hkrap ngoi ai hte wa udik ai rai na ra ai.

MAHTE 24:51 ပူးပေါင်းရင်းမြစ်များ

YOBA 20:29

Ndai gaw n hkru ai masha ni a matu sali wunli rai nga ai, dai sali wunli gaw shanhte a matu Karai Kasang san da ya nga ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

YEREMIA 13:25

Ndai gaw na a hpang jahtum na lam tai na ra ai, nga nna shi tsun nu ai. Nang gaw shi hpe malap kau nhtawm n teng n man ai karai ni hta manoi nga nit dai majaw, ndai lam nang hta shabyin dat na matu shi daw dan nu ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 24:50

Dai hpang lani mi na shi n myit mada ai, n chye ai aten langai mi hta, shi a madu bai du wa na ra ai rai nna,

MAHTE 25:30

Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,’ ngu nna jeyang nu ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

LUKA 12:46

dai wa n myit mada ai shani, n dum n chye ai ten hta nta madu wa du wa nna, nhtum nni adup kau nhtawm, kangka sadi sahka ai lam n nga ai ni hkam la lu na ari kamhtaw hpe hkam la shangun na ra ai.

LUKA 13:28

Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!