MAHTE 24:5 - Jinghpaw Common Language Bible 2009

⁵ Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

Jinghpaw Hanson Version Bible

⁵ Kaning rai nme law, masha law law wa nye a amying hte paw pru nna, Ngai gaw Hkristu rai nga nngai, nga nna law law hpe lam shadam kau na maru ai.

MAHTE 24:5 ပူးပေါင်းရင်းမြစ်များ

YEREMIA 14:14

Rai ti mung, dai Madu gaw, “Dai myihtoi ni nye a mying hta masu magaw ga ni hpe tsun nga ma ai; ngai shanhte hpe shangun ai n rai, ngai gaw shanhte hpe hkang dat na hte tsun shaga na ga hkum ni a matu ahkang aya ap ya ai n rai. Shanhte tsun shaga ai shingran ga ni gaw ngai kaw na n rai; shanhte tau nna tsun ai shaba wawt ai lam ni gaw shanhte myit sawn la ai kaman lila amu ni rai ma ai.

YEREMIA 23:21

Dai Madu gaw, “Ndai myihtoi ni hpe ngai n shangun nngai, rai ti mung, shanhte pru sa ma ai. Ngai shanhte hpe hpa mungga mung n tsun nngai, rai ti mung, shanhte gaw ya du hkra nye a amying hte hkaw tsun ma ai.

YEREMIA 23:25

Nye a amying gang nna masu magaw ga hkaw tsun ai hte shanhte a yup mang shingran ni hta ngai gaw shanhte hpe nye a mungga madun dan ni ai nga nna hkaw tsun ai ndai myihtoi ni tsun shaga ai ga ni hpe ngai chye nngai.

YEREMIA 37:9

Dai Madu ngai gaw Babelon masha ni nhtang sa wa na mara ai n rai nga nna nanhte myit sawn yu ai hte nanhte hkum hpe n masu hkalem u ga, sadi jaw nga nngai. Hpa majaw nga yang, shanhte nhtang sa na mara ai.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

YAWHAN 5:43

Ngai gaw nye Wa a ahkang aya hte du sa nngai rai ti mung nanhte ngai hpe n hkap la myit dai, kaga langai wa mi tinang nan a ahkang aya hte du sa ai rai taw gaw, nanhte shi hpe hkap la na marin dai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ‘Ngai gaw ngai wa rai nga ai,’ hpe mung, ngai gaw nye a myit hte hpa mung n galaw ai sha, nye Wa ngai hpe sharin nngai hte maren sha ngai tsun ai hpe mung, nanhte chye na na marin dai.

1 YAWHAN 2:18

Nye a shu sha ni e, hpang jahtum ai nhtoi ni wa ra ai! nanhte hpe tsun da sai hte maren, Hkristu a hpyen ngu ai wa gaw du na ra ai rai nna, ya e pyi Hkristu a hpyen ni law law wa dawng pru ra ai majaw, hpang jahtum ai ahkying ni ra ai hpe anhte chye nga ga ai.

1 YAWHAN 2:22

Yesu gaw Meshia n rai nga ai; nga nna ndang kau ai wa sha n rai yang gaw, masu ai wa gaw kadai wa rai nga a ta? Dai Kawa hte Kasha hpe ndang kau ai wa nan, Hkristu a hpyen rai nga ai.

1 YAWHAN 4:3

Rai ti mung, dai Yesu a lam n yin la ai kadai mung, Karai Kasang kaw na yu sa ai Wenyi hpe hkap la lu ai ni n rai ma ai. Shanhte hta rawng ai Wenyi chyawm gaw nanhte na yu manit dai hte maren, du magang ra ai, rai sa ya e pyi mungkan ga de sa nga ai Hkristu a hpyen wa a wenyi rai nga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.