MAHTE 24:48 - Jinghpaw Common Language Bible 2009

⁴⁸ Rai ti mung dai mayam gaw n kaja ai mayam rai nga a yang gaw, ‘Nye a Madu wa na naw na la nga ai,’ nga nna shi a kraw hta e tsun nga ai hte,

Jinghpaw Hanson Version Bible

⁴⁸ Dai n shawp ai mayam chyawm gaw, Nye a Madu gaw wa na naw na la nga ai, nga nna shi a kraw kata e a tsun nga ai hte,

MAHTE 24:48 ပူးပေါင်းရင်းမြစ်များ

2 HKAWHKAM 5:26

Rai ti mung Elisha gaw, “Nang hte hkrum na nga, shi a leng kaw nna dai masha wa yu wa ai shaloi dai yang e wenyi hta ngai n nga ai zawn nawn da wu ni? Ya aten gumhpraw hte hpun palawng ni, tsanlun sun, sabyi sun, sagu hte dumsu yam nga ni hte shangun ma ni hpe hkap la na aten n rai nga ai law!

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

EZEKELA 12:22

Shi gaw, “Si chye ai masha wa e, hpa majaw Israela amyu masha ni gaw, ‘Aten ladaw lai mat nna tau tsun ga ni hpa rai n byin ai kun?,’ nga nna dai ga shagawp hpe kahtap tsun tsun rai nga ma ni?

EZEKELA 12:27

“Si chye ai masha wa e, Israela amyu masha ni mung na a shingran ga ni hte myihtoi ga ni gaw htawm hpang prat hte seng nga ai nga nna myit nawn da ma ai.

MAHTE 18:32

Shaloi jang shi gaw dai shangun ma hpe shaga la nna, ‘Akyu n rawng ai yamti, nang ngai hpe hpyi nem ai shaloi nang kap ai hka yawng ngai raw kau ya sade ai.

MAHTE 24:47

Nanhte hpe ngai teng teng tsun made ga, dai madu gaw shi a arai mahkra a ntsa e, shi hpe san tawn da na wu ai.

MAHTE 24:49

shi a manang mayam ni hpe anu ajin di nhtawm, chyaru nang ai ni hte rau lu rau sha rai nga na ra ai.

MAHTE 25:26

“Dai rai nna shi a madu gaw, ‘N kaja ai hte lagawn ai mayam e! n gat ai shara na ngai dan la ai hte, n ayai ai shara na ngai magawn la ai hpe nang chye nga ndai.

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

YAWHAN 13:2

Yesu hte shi a sape ni gaw, shana shat sha nga ma yang, nat gaw Simun a kasha Yuda Iskarut a kraw kata e, Yesu hpe ap kau na hpaji daw bang ya boi nu ai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.