MAHTE 24:47 - Jinghpaw Common Language Bible 2009

⁴⁷ Nanhte hpe ngai teng teng tsun made ga, dai madu gaw shi a arai mahkra a ntsa e, shi hpe san tawn da na wu ai.

Jinghpaw Hanson Version Bible

⁴⁷ Nanhte hpe ngai teng teng tsun made ga, Dai madu gaw shi a arai mahkra a ntsa e shi hpe san tawn da na wu ai.

MAHTE 24:47 ပူးပေါင်းရင်းမြစ်များ

GA SHAGAWP 14:35

Hkawhkam ni gaw kung kyang ai mung up salang ni hpe ra sharawng nga ma ai; shanhte myit n dik dum ai ni hpe ari jaw nga ma ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

MAHTE 24:46

Shi a madu bai du wa yu yang, shing rai galaw nga la ai mayam gaw gade wa a lu na a hka!

MAHTE 24:48

Rai ti mung dai mayam gaw n kaja ai mayam rai nga a yang gaw, ‘Nye a Madu wa na naw na la nga ai,’ nga nna shi a kraw hta e tsun nga ai hte,

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:23

Shi a madu gaw, Ara rai sa kaja ai hte sadi dung ai mayam e! Arai loi sha hta nang kangka rai nit dai: arai law law a ntsa e ngai nang hpe san tawn da na de ai. Na madu a kabu gara ai hta nang mung shang lawm u!,’ ngu nna shi hpe tsun wu ai.

LUKA 12:37

Dai madu du wa yang maja nga mala ai hpe, madu hpe wa mu lu shangun ai shangun ma ni gaw a lu ma ai. Ngai nanhte hpe tsun made ga, shi a ntsa palawng hpe raw nna, shanhte hpe sha ku grup dung shangun nna galaw daw na ra ai.

LUKA 12:44

Kaja wa ngai nanhte hpe tsun made ga, nta madu gaw dai wa hpe shi a arai mahkra a ntsa e up hkang na matu san da na wu ai.

LUKA 19:17

Shaloi madu gaw, ‘Ara, kaja ai shangun ma e! Nang gaw amu kaji hta kangka nit dai majaw, ngai nang hpe mare shi a ntsa e up hkang sha shangun na de ai,’ ngu nna tsun wu ai.

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.