MAHTE 24:45 - Jinghpaw Common Language Bible 2009

⁴⁵ “Dai rai yang, sadi dung nna hpaji rawng ai mayam gaw kadai wa rai nga a ta? Dai wa gaw kaga mayam ni hpe up hkang na hte aten du jang lusha garan jaw na matu shi a madu e san da hkrum ai wa rai nga ai.

Jinghpaw Hanson Version Bible

⁴⁵ Dai hta kaga, dai Madu gaw shi a nta masha ni a ntsa e san tawn da nna aten du jang shanhte hpe lusha karan jaw lu na, sadi ai hte myit su ai mayam gaw kadai wa rai nga a ta?

MAHTE 24:45 ပူးပေါင်းရင်းမြစ်များ

PRU MAT 36:4

Dai hpang amu galaw nga ai dai kung kyang ai masha ni gaw Mawshe kaw sa nhtawm,

GA SHAGAWP 14:35

Hkawhkam ni gaw kung kyang ai mung up salang ni hpe ra sharawng nga ma ai; shanhte myit n dik dum ai ni hpe ari jaw nga ma ai.

GA SHAGAWP 28:20

Myit malang ai masha ni gaw ngwi pyaw kabu gara ai hte asak hkrung na ra ai. Rai ti mung, nang mahtang, sut su mayu ai hpe tin tin galaw ai rai yang, nang ari hkrum na rin dai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

EZEKELA 46:24

Dai masha wa gaw ngai hpe, “Ndai shara ni gaw amyu masha ni nawng jau ya ai shagu hkungga ni hpe Nawku Htingnu kaw na shangun ma ni shadu ya ai Nawku Htingnu a shat dap ni rai nga ma ai,” ngu nna tsun wu ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 24:46

Shi a madu bai du wa yu yang, shing rai galaw nga la ai mayam gaw gade wa a lu na a hka!

MAHTE 25:2

Shanhte hta na manga gaw myit n su ma ai, kaga manga gaw hpaji rawng nga ma ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:23

Shi a madu gaw, Ara rai sa kaja ai hte sadi dung ai mayam e! Arai loi sha hta nang kangka rai nit dai: arai law law a ntsa e ngai nang hpe san tawn da na de ai. Na madu a kabu gara ai hta nang mung shang lawm u!,’ ngu nna shi hpe tsun wu ai.

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

LUKA 19:17

Shaloi madu gaw, ‘Ara, kaja ai shangun ma e! Nang gaw amu kaji hta kangka nit dai majaw, ngai nang hpe mare shi a ntsa e up hkang sha shangun na de ai,’ ngu nna tsun wu ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

2 TIMOHTI 2:2

Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

HEBRE 3:5

Mawshe gaw Karai Kasang a nta na shangun ma zawn kangka ai wa rai nna, htawm hpang de Karai Kasang tsun dan na ra ai lam ni hpe tsun ai wa rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

RUHTA 2:6

Hpa-awn wa gaw, “Shi gaw Naomi hte rau Moba mung kaw nna hkan nang wa ai maigan numsha langai mi rai nga ai.