MAHTE 24:42 - Jinghpaw Common Language Bible 2009

⁴² “Dai rai nna, nanhte a Madu gaw gara shani e du sa na hpe nanhte n chye myit dai majaw, amaja nga mu.

Jinghpaw Hanson Version Bible

⁴² Dai rai nna, nanhte a Madu gaw gara shani e du wa na hpe nanhte n chye myit dai majaw, a maja nga mu.

MAHTE 24:42 ပူးပေါင်းရင်းမြစ်များ

MAHTE 24:36

“Rai ti mung, dai du na ra ai shani hte ahkying hpe chyawm gaw kadai mung n chye lu ai; lamu kasa ni hte Kasha wa pyi dai hpe n chye lu ai; Wa hkrai sha dai hpe chye lu ai.

MAHTE 24:43

Nta madu gaw lagut sa na ahkying hpe chye wu taw gaw, shi amaja nga na ra ai rai nna shi a nta de lagut shang shangun na wu ai n rai-dai hpe dum nga mu.

MAHTE 24:44

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

MAHTE 25:10

Shing rai myit n su ai mahkawn ni sau mari na sa wa ai laman e, la ningnan du sa wa ai. jin jin rai nga ai mahkawn manga hte gaw hkungran ai poi de shi hte rau shang lu ma ai rai nna, dai chyinghka hpe la kau manu ai.

MAHTE 25:13

Dai rai nna Yesu gaw, “Dai nhtoi hpe mung, dai ahkying hpe mung, nanhte n chye myit dai majaw amaja nga mu,” ngu nna tsun hpungdim wu ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

1 HTESALONI 5:6

Dai re ai majaw, anhte gaw kaga masha ni zawn n yup nga ai sha su hprang nna htauli htaula rai sadi maja nga ga ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”