MAHTE 24:37 - Jinghpaw Common Language Bible 2009

³⁷ Dai Masha Kasha a bai sa du ai gaw Noa lakhtak hta byin ai lam hte bung na ra ai.

Jinghpaw Hanson Version Bible

³⁷ Bai, Noa a ban e rai nga ai hte maren, Masha Kasha a bai sa du ai hta e rai wa na ra ai.

MAHTE 24:37 ပူးပေါင်းရင်းမြစ်များ

NINGPAWT NINGHPANG 6:8

Rai ti mung dai Madu chyawm gaw Noa hpe awng sharawng nga wu ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 24:27

Hpa majaw nga yang, sinpraw maga kaw nna sinna maga du hkra lamu ting hpe htoi shangun ai myihprap gala ai zawn dai Masha Kasha du sa na ra ai.

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MAHTE 24:30

Dai shaloi e, Masha Kasha a kumla ni gaw sumsing lamu hta e dan pru na ra ai rai nna, shaloi jang ga ntsa na masha ni yawng gaw, dai Masha Kasha daru magam hpung shingkang kaba hte nawng lamu a sumwi ni hta jawn nna du sa ai hpe mu nna sharung shayawt na mara ai.

MAHTE 24:39

Shanhte gaw sha-u ing wa nna yawng hte hpe magawn mat wa ai ten du hkra n dum shami rai nga nga ma ai. Dai hte maren dai Masha Kasha a bai du sa ai ten hta byin na ra ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.

2 PETRU 3:6

Bai nna mungkan dingsa hpe hka hte nan sha-u sha-ing nna jahten kau sai hpe mung, shanhte dingsang malap mali di kau mu ai.