MAHTE 24:35 - Jinghpaw Common Language Bible 2009

³⁵ Sumsing lamu hte ginding aga lai mat wa ti mung, nye a ga gaw n lai mat na li ai.

Jinghpaw Hanson Version Bible

³⁵ Sumsing lamu hte ginding aga lai mat wa timung, nye a ga gaw n lai mat na li ai.

MAHTE 24:35 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten run mat wa tim, nang agrin nga na ndai; dai ni yawng gaw hpun nba ni zawn, dingsa mat wa na ra ai, hpun palawng ni zawn nang dai ni hpe galai kau ai hte dai ni mung wai mat na mara ai.

SHAKAWN KUNGDAWN 119:89

Madu e, na a mungga htani htana agrin nga na ra ai; dai gaw sumsing lamu hta e, prat dingsa agrin nga ai.

SHAKAWN KUNGDAWN 19:7

Madu a tara gaw hkum tsup nga ai; dai gaw n-gun atsam ningnan jaw ya nga ai. Madu a hkang da ai ga ni teng man kam ging nga ai majaw, dai tara n lu ai ni hpe hpaji byeng-ya jaw ya nga ai.

SHAKAWN KUNGDAWN 89:34

Shi hte galaw da ai nye a ga shaka hpe ngai jahten kau na n rai, shi hta tawn da ai ga sadi langai mi hpe pyi ngai shabai la na we ai n rai.

GA SHAGAWP 30:5

“Karai Kasang gaw shi tawn da ai ga shaka sha-u hta sadi dung nga ai. Shi gaw shi a makawp maga ai hta shingbyi shara hpe hkan tam ai masha ni yawng a matu ninggang zawn rai nga ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

ESAIA 40:8

Rai sa, tsingdu ni nyui mat nna nampan ni run mat nga ai, rai ti mung anhte a Karai Kasang a mungga gaw htani htana agrin nga ai,” ngu nna htawn tsun u.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

ESAIA 55:11

Dai hte maren, ngai tsun ai mungga mung dai hte maren tai na ra ai- de a matu ngai shatawng shada ai amu galaw na lam hprai mat na n rai; dai gaw ngai shangun ai amu magup shagu hpe shadik ya na ra ai.

Daniela 4:28

Ndai lam yawng mayawng Hkawhkam Nebuhkadneza hta byin nga sai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

MARKU 13:31

Sumsing lamu hte ginding aga lai mat wa timung, nye a ga ni gaw n lai mat wa na li ai.

LUKA 21:33

Sumsing lamu hte ginding aga lai mat wa na ra ai, rai ti mung, nye a ga ni gaw n lai mat na li ai.

TITU 1:2

Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

1 PETRU 1:25

Rai ti mung Madu a mungga chyawm gaw prat mi hte prat mi anga nga ai, nga nna tsun da nga ai. Dai mungga gaw nanhte hpe hkaw tsun dan sai Kabu Gara Shiga rai nga ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 6:14

Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.