MAHTE 24:34 - Jinghpaw Common Language Bible 2009

³⁴ Ya pra nga ai ni yawng garai n si mat ma yang, dai lam yawng mayawng hte byin wa na ra ai hpe dum chye nga mu.

Jinghpaw Hanson Version Bible

³⁴ Nanhte hpe ngai teng teng tsun made ai gaw, Ya pra nga ai ndai amyu masha ni garai n lai mat ma yang, dai lam yawng mayawng hte byin mat na ra ai.

MAHTE 24:34 ပူးပေါင်းရင်းမြစ်များ

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu. Nanhte hpe ngai teng teng tsun made ai gaw, Israela mare nga manga hte hta nanhte galaw ra ai amu n ngut kre shi yang, dai Masha Kasha gaw du na ra ai.

MAHTE 12:45

Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang nna dai yang e arawng nga ma ai; dai rai nna, dai masha a nsam gaw, shawng na hta grau ru wa lu ai. Dai hte maren ndai prat na n hkru ai amyu hta byin wa na ra ai,” ngu mu ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 23:36

Nanhte hpe ngai kaja wa tsun made ga, dai masha sat ai lam ni yawng a matu ndai prat na masha ni a ntsa e ari du na ra ai!

LUKA 11:50

Shing rai, mungkan ga nnan lat kaw nna sat kau hkrum ai myihtoi ni yawng a bunglat hka a matu ndai prat na amyu ni mara daw dan ari hkrum lu na rai nga ai.