MAHTE 24:31 - Jinghpaw Common Language Bible 2009

³¹ Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

Jinghpaw Hanson Version Bible

³¹ Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MAHTE 24:31 ပူးပေါင်းရင်းမြစ်များ

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

ESAIA 43:6

Shanhte hpe wa shangun na matu dingdung maga de ngai tsun na nngai; shanhte hpe n shingdang lu na matu dingda maga de tsun na nngai. Nye a amyu masha ni tsan ai mung ni kaw na nhtang wa mu ga, mungkan jut shara shagu kaw na nhtang wa mu ga.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

ZEHKARIA 2:6

Dai Madu gaw shi a amyu masha ni hpe, “Ngai gaw nanhte hpe man maga shagu de shabra kau made ai. Rai ti mung ya chyawm gaw bawng dung hkrum ai ni e, Babelon mung na hprawng lawt wa nhtawm Yerusalem de nhtang wa manu.

ZEHKARIA 6:5

Shi chyawm gaw, “Ndai ni gaw nbung mali rai nga ai; dai ni gaw ginding aga yawng mayawng a Madu a man kaw nna du sa wa nga ma ai,” ngu nna htan wu ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 24:32

“Maihpang hpun gaw nanhte hpe lam langai mi sharin ya myit ga. De a lakung lakying ni tsit majawm wa nna, lap ni prut magang wa ai shaloi nlum ta ni wa ra ai hpe nanhte chye nga myit dai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MARKU 13:27

Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

ROMA 10:18

Rai ti mung, masha ni gaw dai mungga hpe nna lu ai gaw teng a ni? ngu n na ngai san mayu nngai. “Kaja wa shanhte na lu ma ai, hpa majaw nga yang dai Chyum Laika hta mungga hkaw tsun ai ni a nsen gaw mungkan ga ting chyam bra wa nna, shanhte a ga ni lamu ga jut shagu de du mat wa sai,” nga nna tsun ai hte maren rai nga ai.

1 KORINHTU 15:52

Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

TARA JAHPRANG 30:4

Mungkan ga a jahtum jut ngu na tsan htum ai shara de shabra kau dat hkrum nga myit tim pyi, dai Madu nanhte a Karai Kasang gaw nanhte hpe bai shinggyin la na rai wu ai.

TARA JAHPRANG 4:32

“Karai Kasang gaw ginding aga ntsa e shinggyim masha hpe hpan da nna nanhte garai n shangai yang lai mat wa sai aten kaw nna ndai aten du hkra na lam ni yawng hpe nhtang gawn yu mu. Ginding aga ting hta gawn yu mu. Shawng de ndai daram kaba ai amu byin yu sani? Ndai zawn re ai shiga kadai wa na yu myit ni?

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

2 HTESALONI 2:1

Nye a hpu nau ni e, anhte a Madu Yesu Hkristu bai du sa na ra ai lam hte Madu hte rau hpawng de ai lam hte seng nna, nanhte hpe ngai tsun lajin mayu nngai.

HEBRE 12:19

pahtau ngoi ai hte ga nsen ngoi pru ai Sina bum de nanhte du yu manit dai n rai. Shanhte gaw dai nsen hpe na lu ai shaloi kaga nsen langai mi mung bai n na lu nu ga, hpyi nem ma ai.

SHINGRAN 1:20

Nye a hkra lata hta nang mu lu ai shagan sanit hte ja pyengdin sanit a makoi magap da ai lachyum gaw da ndai rai nga ai: shagan sanit hte gaw hpung sanit hpe sin ai lamu kasa sanit rai nna, pyengdin sanit gaw dai hpung sanit rai nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 7:1

Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.