MAHTE 24:27 - Jinghpaw Common Language Bible 2009

²⁷ Hpa majaw nga yang, sinpraw maga kaw nna sinna maga du hkra lamu ting hpe htoi shangun ai myihprap gala ai zawn dai Masha Kasha du sa na ra ai.

Jinghpaw Hanson Version Bible

²⁷ Kaning rai nme law, myihprap gaw sinpraw maga de gala nna, sinna maga du hkra htoi pru ai hte maren, dai Masha Kasha a bai du ai gaw rai na ra ai.

MAHTE 24:27 ပူးပေါင်းရင်းမြစ်များ

YOBA 37:3

Shi gaw sumsing lamu a npu lai, ginding aga a jahtum shara mi kaw nna kaga shara mi de hkren myihprap gala shangun nga ai.

YOBA 38:35

Myihprap gala na matu nang hkang dat ai rai yang, dai gaw nang kaw sa nna, “Shi hpe hpa karum la na rai ta?,” ngu nna tsun na ra ai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

EZEKELA 1:14

Dai dusat ni gaw shanhte hkum hpe myi hprap wan gala ai daram lawan ai hku shawng de, hpang de akajawng sha kagat sa ma ai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 24:26

“Shing n rai, nanhte gaw, ‘Yu mu! shi gaw nam mali hkan e nga nga ai!,’ nga nna tsun ma ti mung, nanhte dai de hkum pru sa myit. Bai, ‘Shi nang e makoi nga ai!,’ nga nna shanhte tsun yang, dai hpe hkum kam myit.

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MAHTE 24:37

Dai Masha Kasha a bai sa du ai gaw Noa lakhtak hta byin ai lam hte bung na ra ai.

MAHTE 24:39

Shanhte gaw sha-u ing wa nna yawng hte hpe magawn mat wa ai ten du hkra n dum shami rai nga nga ma ai. Dai hte maren dai Masha Kasha a bai du sa ai ten hta byin na ra ai.

MAHTE 24:44

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

YAKU 5:8

Nanhte mung dai zawn myit galu let hkam sharang nga mu. Nanhte a myit mada ai lam hpe shangang shakang mu; hpa majaw nga yang Madu bai du sa na nhtoi gaw ni wa magang ra ai.

2 PETRU 3:4

Anhte a kawa ni si mat wa masai; rai ti mung arai yawng mayawng gaw, mungkan ga hpe hpan da ai aten na hte maren sha arai nga a hka!,” nga nna san na ma ai.