MAHTE 24:24 - Jinghpaw Common Language Bible 2009

²⁴ Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

Jinghpaw Hanson Version Bible

²⁴ Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 24:24 ပူးပေါင်းရင်းမြစ်များ

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

MAHTE 22:14

Dai hpang Yesu gaw, “Shaga la hkrum ai ni law ma ti mung, lata la hkrum ai ni mahtang n law ma ai,” ngu mu ai.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MAHTE 24:25

Madat mu! ndai lam garai n byin kaw nna ngai nanhte hpe tsun hkap da ni ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MAHTE 24:5

Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

MARKU 13:22

Hpa majaw nga yang, masu ai Meshia hte masu ai myihtoi ni paw pru na ra ai. Shanhte gaw Karai Kasang a lata la ai masha ni hpe pyi lam shadam lu yang shadam lu hkra lamik kumla ni hte mauhpa amu ni galaw dan na mara ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 6:39

Ngai hpe shangun dat ai wa a myit ra ai lam gaw, shi ngai hpe ap ya da sai yawng mayawng hte hta na langai mi mung n yet n mat ai sha, hpang jahtum na nhtoi hta si ai kaw na jahkrung sharawt la na lam nan rai nga ai.

KASA 20:16

Pawlu gaw Asi mung e nhtoi hkatum n shama mayu wu ai majaw Ehpesu mare hpe lai kau da nna li hte sa mat wa na myit daw dan da wu ai; hpa majaw nga yang Pawlu gaw byin mai yang Pentekoti shani dep lu hkra Yerusalem mare de du wa na matu tin da wu ai.

ROMA 12:18

Nanhte a maga hku nna rai lu myit dai daram, masha nlang hte hte myit hkrum ngwi pyaw simsa hkra nga mu.

GALATI 4:15

Dai aten hta nanhte grai kabu pyaw lu manit dai! Ya hpa byin manit ta? Dai aten hta nanhte gaw byin mai yang tinang a myi hpe pyi malawk la nna ngai hpe jaw na pyi gwi myit dai hpe ngai sakse hkam nngai.

TARA JAHPRANG 13:1

“Myihtoi langai ngai shing n rai yup mang htai chye ai wa langai ngai gaw shawng de nanhte garai n nawku yu ai karai ni hpe nawku daw jau wa hkra lam woi na nga, mauhpa lamik kumla amu galaw shapraw dan na ga sadi jaw wa na ra ai. Dai rai nna shi tsun ai ga sadi teng wa tim pyi, dai wa a ga hkum madat ya myit. Nanhte gaw dai Madu hpe nanhte a myit masin mahkra hte tsaw ra nga myit dai hpe chye lu hkra nga, dai Madu nanhte a Karai Kasang gaw nanhte hpe chyam yu na matu shanhte hpe lang nga ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

2 PETRU 3:17

Rai ti mung manang ni e, nanhte gaw ndai lam ni hpe chye nga chyalu rai nga manit dai. Dai re ai majaw nanhte gaw tara kata ai masha ni a shut ai lam de woi mat wa ai hta n lawm na hte, shim ai asak hkrung lam kaw na n hkrat sum mat na matu a maja nga mu.

1 YAWHAN 2:18

Nye a shu sha ni e, hpang jahtum ai nhtoi ni wa ra ai! nanhte hpe tsun da sai hte maren, Hkristu a hpyen ngu ai wa gaw du na ra ai rai nna, ya e pyi Hkristu a hpyen ni law law wa dawng pru ra ai majaw, hpang jahtum ai ahkying ni ra ai hpe anhte chye nga ga ai.

1 YAWHAN 2:22

Yesu gaw Meshia n rai nga ai; nga nna ndang kau ai wa sha n rai yang gaw, masu ai wa gaw kadai wa rai nga a ta? Dai Kawa hte Kasha hpe ndang kau ai wa nan, Hkristu a hpyen rai nga ai.

1 YAWHAN 5:18

Karai Kasang a kashu kasha rai nga ai wa gaw yubak hpe matut nna n galaw ai hpe anhte chye ga ai, hpa majaw nga yang, shi hpe Karai Kasang a kasha e bau sin nga ai rai nna, dai n hkru ai wa gaw shi hpe n hkra lu wu ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.