MAHTE 24:22 - Jinghpaw Common Language Bible 2009

²² Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

Jinghpaw Hanson Version Bible

²² Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MAHTE 24:22 ပူးပေါင်းရင်းမြစ်များ

ESAIA 6:13

Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

ZEHKARIA 13:8

Mungdan ting na nye a amyu masha ni hpe ngai htim gasat na nngai; shaloi htam masum na htam lahkawng si htum mat na mara ai.

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

MAHTE 22:14

Dai hpang Yesu gaw, “Shaga la hkrum ai ni law ma ti mung, lata la hkrum ai ni mahtang n law ma ai,” ngu mu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

MARKU 13:20

Dai Madu gaw dai nhtoi hte hpe shayawm shagying kau nu ai; shi shing n di yang gaw kadai mung asak lawt lu na ra ai n rai. Rai ti mung shi lata la ai ni a matu mara, dai nhtoi hte hpe shayawm shagying kau nu ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.