MAHTE 24:19 - Jinghpaw Common Language Bible 2009

¹⁹ Dai nhtoi hte hta, na-um nasin re ai num ni hte chyu chyu ai ma lu ai kanu ni a matu nachying yak la ai aten rai na ra ai.

Jinghpaw Hanson Version Bible

¹⁹ Dai nhtoi hte hta na-um nasin re ai ni hte chyu chyu ai ma chyangai lu ai ni gaw, nachying yak na mara ai.

MAHTE 24:19 ပူးပေါင်းရင်းမြစ်များ

2 SAMUELA 4:4

Shawlu a amyu matu hta na kaga langai mi gaw Shawlu yan Yonahtan sat kau hkrum ai shaloi asak manga ning kaba sai Yonahtan a kasha Mehpiboshet rai nga ai. Yezrela mare kaw na shan sat kau hkrum sai shiga du jang, ma hpe yu gawn ai jan mung shi hpe hta pawn la nna woi hprawng mat wa wu ai. Rai ti mung hprawng wa yang nau tin kau ai majaw shi hpe tat jahkrat kau ai hte ma mung lagaw hten mat wu ai.

2 HKAWHKAM 15:16

Menahem gaw Tiza mare kaw nna pru hkawm wa yang, Tapua mare masha ni shi hpe asum n jaw mu ai majaw dai mare, mare masha ni hte de a grup yin shara hpe atsai awai jahten shaza kau wu ai. Na-um nasin byin ai numsha ni hpe pyi shi kan ga kau ya wu ai.

SHARUNG SHAYAWT 4:10

Dai ru yak tsin-yam tsindam gaw nye a amyu masha ni hpang de hkrit hpa la sa nga ai; tsaw ra myit manoi ai kanu ni gaw shanhte a kashu kasha ni hpe lusha a matu shadu ma ai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

MAHTE 21:16

Shing rai shanhte gaw Yesu hpe, “Ndai ni hpa tsun nga ai hpe nang na da wu ni?,” ngu nna san mu ai. Yesu gaw, “Ngai na nga nngai, Dai Madu gaw “Ma ni hte chyu chyu ai ma chyangai ni hpe mahkawn shakawn ga majing hte daw jau na matu sharin ya da nu ai, nga ai ga Chyum Laika hta nanhte galoi mung n hti yu myit ni?,” ngu nna shanhte hpe tsun mu ai.

MAHTE 24:18

Hkauna pa e nga ai wa mung, shi a hpun nba wa la na, hkum n htang wa u ga.

MAHTE 24:20

Dai rai nna nanhte a rawt hprawng na nhtoi gaw kashung ta hte Bansa Nhtoi hta e n ang u ga, Karai Kasang kaw akyu hpyi nga mu.

LUKA 21:23

Dai nhtoi hte hta na-um na sin re ai num ni hte, ma chyu naw chyu ai kanu ni a matu grai hkrithpa yak hkak lam rai na ra ai, hpa majaw nga yang, ndai mung a ntsa e hkrit hpa kyin dut kaba, ndai amyu a ntsa e Karai Kasang a pawt bu ai ari du na ra ai.