MAHTE 24:10 - Jinghpaw Common Language Bible 2009

¹⁰ Dai shaloi e, masha law law wa myit kataw nna lam dam wa ai hte shada da ap kau ai hte shada da n dawng n wawm na mara ai.

Jinghpaw Hanson Version Bible

¹⁰ Dai shaloi e, masha law law myit kataw wa nna, shada da ap kau ai hte, shada da n dawng n wawm na mara ai.

MAHTE 24:10 ပူးပေါင်းရင်းမြစ်များ

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 13:21

Rai ti mung kraw hta e ru sung sung n jung ai majaw, shanhte na na n grin ma ai. Shing rai dai mungga a majaw ru tsang ai hte zingri zingrat hkrum jang kalang ta htak mat ai ni hte bung nga ai.

MAHTE 13:57

shi a lam myit kataw wa ma ai hte shi hpe n hkap la ma ai. Yesu mahtang, myihtoi gaw tinang a buga hta n rai yang she arawng lu nga ai, ngu nna shanhte hpe tsun mu ai.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MARKU 13:12

Masha ni gaw tinang a kahpu kanau shada da si ai de ap bang kau na mara ai. Kasha ni mung shanhte a kanu kawa ni hpe gumlau rawt nna sat kau shangun na mara ai.

MARKU 4:17

Rai ti mung shanhte hta ru sung hkra n jung nga ai majaw, shanhte na na n grin ma ai. Dai mungga a majaw ru yak jam jau, shing n rai zingri zingrat ai lam hkrum hkra wa ai shaloi jang shanhte kataw mat ma ai.

LUKA 21:16

Nanhte a kanu kawa ni, kahpu kanau ni, mayu dama ni hte jinghku jingyu ni e pyi ap kau ai hkrum na marin dai, nanhte hta nkau mi hpe sat kau na mara ai.

2 TIMOHTI 1:15

Nang chye nga ndai hte maren, Hpugelu yan Heramoge hte hpawn Asi kaji mung e nga ai ni yawng ngai hpe kau da mani ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

2 TIMOHTI 4:16

Shawng na lang ngai je yang hkrum ai ten hta nye a hkum hpe ngai tsun makawp maga ai shaloi ngai hpang maga tsap nna kadai mung n sa madi shadaw lawm ma ai. Masha yawng gaw ngai hpe kabai kau da mi ai. Karai Kasang gaw shanhte ning rai galaw ai a majaw mara n tai u ga;