MAHTE 23:9 - Jinghpaw Common Language Bible 2009

⁹ Nanhte gaw ndai ga ntsa e kadai hpe mung, ‘Wa e’ hkum nga myit, hpa majaw nga yang, nanhte hta sumsing lamu na Kawa langai hkrai sha lu myit dai.

Jinghpaw Hanson Version Bible

⁹ Nanhte gaw, ga ntsa e kadai hpe mung, ‘Wa e,’ hkum nga myit: nanhte a Nwa gaw sumsing lamu na Wa hkrai rai nga ai.

MAHTE 23:9 ပူးပေါင်းရင်းမြစ်များ

2 HKAWHKAM 13:14

Myihtoi Elisha gaw si lu na daram re ai ana ahkya hte machyi hkrum sha nga ai; shi kaleng taw nga yang Israela Hkawhkam Yehoasha shi kaw sa du kawan wu ai. Shaloi shi hkrap let, “Nye wa e, nye wa e, nang gaw Israela a matu chyalai n-gun hte hpring ai dahpran shara rai nga nit dai law,” ngu nna jahtau tsun wu ai.

2 HKAWHKAM 2:12

Elisha gaw dai hpe mu nna Elia hpe, “Nye a wa e, nye a wa e! Israela hpe chyalai n-gun hte makawp maga ai wa e! Nang gaw hkawm mat wa nit hka!,” ngu nna jahtau tsun wu ai. Shing rai Elia hpe shi galoi mung bai n mu lu mat nu ai. Elisha chyawm gaw yawn ai myit hte shi a ntsa palawng hpe lahkawng brang di nna gang je kau wu ai.

2 HKAWHKAM 6:21

Israela hkawhkam gaw dai Suri masha ni hpe mu jang, shi gaw Elisha hpe, “Madu e, ngai shanhte hpe sat kau na rai nga a ni? Ngai shanhte hpe sat kau na rai nga a ni?,” ngu nna san wu ai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MAHTE 23:10

Bai, ‘Ningbaw’ ngu nna shamying na hpe hkum ra myit: hpa majaw nga yang, nanhte a langai sha rai nga ai ningbaw wa gaw Meshia ngu ai wa sha rai nga ai.

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.