MAHTE 23:4 - Jinghpaw Common Language Bible 2009

⁴ Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.

Jinghpaw Hanson Version Bible

⁴ Li la ai lit hpe shanhte baw la nna, masha ni a lahpa hta e mara da ya nhtawm e shanhte gaw tinang a layung hte sha pyi, dai hpe n shamawt mayu ma ai.

MAHTE 23:4 ပူးပေါင်းရင်းမြစ်များ

ESAIA 46:1

Ndai gaw Babelon karai ni a matu jahtum rai nga ai! Bela hte Nebo yan hpe lang mi nawku yu masai, rai ti mung, ya chyawm gaw dai ni gaw lawze ni a ntsa e daw mara ai hte, hki ba ai yam nga shingma a matu lit rai nga sai.

MAHTE 23:23

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.

MAHTE 23:3

Dai re ai majaw, nanhte hpe shanhte tsun ai lam shagu madat mara nna hkan galaw shatup nga mu. Rai ti mung shanhte galaw ai lam ni hpe len hkum la myit, hpa majaw nga yang, shanhte hkaw tsun ai hpe shanhte n hkan galaw ma ai.

LUKA 11:46

Yesu gaw, “Nanhte tara sara ni mung dingnye lu myit dai! Nanhte gaw masha ni hpe gun yak ai lit shagun nhtawm, tinang ni gaw dai lit ni hpe gun karum na matu layung hte pyi n hkra yu myit dai.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

KASA 15:28

Nanhte a matu gaw ra ahkyak ai hkang da ai tara rai nga ai, hpara sumla ni hpe nawng jau ai malu masha ni hpe n sha na, sai hpe n sha na, du manat sat ai shan hpe n sha na hte ndaw liknga n se n sa koi gam lu na lam hta kaga, lit shaje nanhte hta shagun shara n nga ai ngu nna Chyoi pra ai Wenyi hte anhte myit hkrum ga ai.

GALATI 6:13

Hpa majaw nga yang, matu gadoi hkam ai ni nan dai jep ai tara hpe shatup ma ai n rai, rai ti mung shanhte gaw, nanhte matu gadoi hkam la ma ai a jaw e, gumrawng gumtawng mayu ai majaw nanhte hpe matu gadoi hkam la shangun mayu ai lam rai nga ai.

1 YAWHAN 5:3

Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai.

SHINGRAN 2:24

“Rai ti mung, Htuatira mare hta naw ngam nga ai hpung masha nkau mi gaw, dai n hkru n shawp ai sharin shaga ai lam hta n hkan nang ai hta n ga, masha ni tsun dam ai, ‘Satan a sung htum ai makoi magap da ai lam ni,’ ngu ai hpe mung n sharin hkam la ma ai rai nna, ngai nanhte hpe tsun made ai gaw, nanhte hta lit kaga ngai n shajat na ni ai.