MAHTE 23:37 - Jinghpaw Common Language Bible 2009

³⁷ “Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

Jinghpaw Hanson Version Bible

³⁷ “Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

MAHTE 23:37 ပူးပေါင်းရင်းမြစ်များ

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

SHAKAWN KUNGDAWN 17:8

Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

SHAKAWN KUNGDAWN 36:7

Karai Kasang e, na a dinggrin tsaw ra myit gaw kade wa hpu reng nga a hka! Na a singkaw ni a shingnip npu hta shingbyi shara anhte lu ga ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 63:7

na a lam hpe shana tup ngai myit yu nga nngai. Na a singkaw ni a shingnip kata hta kabu gara ai hte ngai mahkawn mangoi nga nngai.

SHAKAWN KUNGDAWN 91:4

Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.

ESAIA 5:4

Ndai sabyi sun a matu galaw na ngai hprai kau ai amu hpa wa naw nga nga a ta? Dai rai yang, hpa majaw ngai myit mada da ai kaja ai sabyi si ni n re ai sha, hkri ai sabyi si ni hpe shapraw ya nga a ni?

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 26:23

Shanhte gaw shi hpe sa woi la nhtawm Hkawhkam Yehoiakim hpang de woi wa ma ai. Hkawhkam wa gaw shi hpe sat kau nna, shi a moi mang hpe shawa lup wa hta sa kabai kau ma ai.)

YEREMIA 32:31

Ndai mare hpe de hpang wa ai shani kaw nna mare masha ni gaw ngai hpe pawt sindawng shangun ai hte myit kahtet shangun nga ma ai,

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

YEREMIA 36:26

Dai hpang, ngai hte nye a amu madu rai nga ai Baruk hpe rim la na matu hkawhkam wa gaw shi a kasha Yeramela hte rau Azriela a kasha Seraia hte Abdela a kasha Shelemia ni hpe hkang dat nu ai. Rai ti mung, dai Madu gaw an hpe makoi da mi ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

YEREMIA 6:8

Yerusalem amyu masha ni e, ndai ru yak tsin-yam tsindam ni gaw nang hpe sadi jaw ai lam tai u ga, shing n rai jang, ngai nang hpe kau da na nngai; ngai gaw na a mare hpe kadai mung n nga ai zaibru jang shatai kau na we ai,” ngu nna tsun ai.

HOSEA 11:2

Rai ti mung shi hpe ngai shaga magang, ngai kaw na shi kayin mat wa magang rai nga ai. Nye a amyu masha ni Bala hpe shagu hkungga nawng ya ma ai; shanhte gaw hpara sumla ni hpe manam pyaw ai baw nat nawng ma ai.

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

ZEHKARIA 1:4

Nanhte a nji nwa ni zawn hkum rai myit. Myihtoi ni gaw moi prat e shanhte hpe n hkru n hkra ai hku asak n hkrung na matu mung, yubak kap ai asak hkrun lam ni hpe kau da na lam mung, ndai nye a mungga hte shanhte hpe tsun ma ai. Rai ti mung shanhte mahtang nye a ga hpe n na ya ai hte n madat n mara ma ai.

MAHTE 22:3

Dai poi de shaga da sai ni hpe bai shaga la na, shi a mayam ni hpe shangun dat mu ai; rai ti mung shaga da sai ni n sa hkraw ma ai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 23:30

‘Anhte gaw ji wa ni a lakhtak hta lama paw pru ga taw gaw, shanhte galaw ai amu hte myihtoi ni hpe sat ai amu hta lawm na ga ai n rai,’ nga nna tsun myit dai.

MAHTE 23:31

Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

LUKA 15:28

Dai na jang shi masin pawt nna nhku de n shang wa hkraw ai. Dai shaloi, shi a kawa pru sa nna, shi hpe sa nem wu ai.

1 HTESALONI 2:15

Yuda masha ngu ai ni gaw Madu Yesu hpe mung, myihtoi ni hpe mung, sat kau ai ni rai nna anhte hpe mung zingri zingrat ai ni rai ma ai. Shanhte gaw Karai Kasang sharawng awng na hku n galaw ma ai! Masha shagu a matu n htan shai ai hpyen tai ma ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.