MAHTE 23:24 - Jinghpaw Common Language Bible 2009

²⁴ Myi kyaw let lam madun ai ni e, nanhte gaw jinu hpe n mayu kau hkrup na matu hka hpe jen nna lu myit dai; rai ti mung gawla-uk hpe gaw mayu kau myit dai.

Jinghpaw Hanson Version Bible

²⁴ Lam madun ai myi kyaw ai ni e, nanhte machyi hpe sai kau nhtawm e, gawla-uk hpe bai mayu kau myit dai.

MAHTE 23:24 ပူးပေါင်းရင်းမြစ်များ

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 19:24

Bai, ngai nanhte hpe tsun made ga, samyit na hku gawla-uk gale na gaw naw loi na re, sutgan lu su ai wa Karai Kasang a Mungdan hta shang na mahtang grau yak la nga ai,” ngu tsun wu ai.

MAHTE 23:16

Myi kyaw let lam madun ai ni e, nanhte dingnye lu myit dai! ‘Kadai rai ti mung, Nawku Htingnu mying gang nna dagam yang gaw, dai ga hpe shi n hkan shatup ra ai. Rai ti mung dai Nawku Htingnu na ja hpe lakap nna dagam ai wa gaw, shi a dagam da ai ga n shatup n mai rai na rai nga ai, nga nna nanhte sharin myit dai.

MAHTE 7:4

Na a myi hta hpun tawng rawng nga nlen, ‘chyeju hte na a myi hta na nbun hpe ngai lai kau ya de ga,’ ngu nna na nhpu nnau wa hpe nang kaning rai tsun gwi lu n ta?

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

YAWHAN 18:40

Shaloi shanhte gaw, “Dai wa hpe n rai Baraba hpe dat ya mi,” nga nna bai jahtau tsun ma ai. (Baraba chyawm gaw damya rai nga ai.)

SHINGRAN 12:16

Rai ti mung lamu ga chyawm gaw dai numsha hpe karum ya wu ai; lamu ga gaw shi a n-gup mahka nna, dai baren numraw a n-gup hta na shalwi dat ai hka nu hpe mayu kau ya wu ai.