MAHTE 23:2 - Jinghpaw Common Language Bible 2009

² “Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.

Jinghpaw Hanson Version Bible

² “Laika ka ai sara ni hte Hparishe ni gaw Mawshe a tingnyang hta e dung nga ma ai.

MAHTE 23:2 ပူးပေါင်းရင်းမြစ်များ

EZRA 7:25

“Ezra e, nang gaw na a Karai Kasang nang hpe jaw ya sai hpaji byeng-ya lang nna, na a Karai kasang a tara hpe hkan ai, Uhprat a Sinna maga de nga ai masha ni yawng hpe up hkang na du ni hte tara agyi ni hpe san tawn u. Shing rai Tara a lam n chye ai ni kadai hpe mung dai lam nang sharin ya lu na rai ndai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MAHTE 23:3

Dai re ai majaw, nanhte hpe shanhte tsun ai lam shagu madat mara nna hkan galaw shatup nga mu. Rai ti mung shanhte galaw ai lam ni hpe len hkum la myit, hpa majaw nga yang, shanhte hkaw tsun ai hpe shanhte n hkan galaw ma ai.

MARKU 12:38

Shing rai shi sharin shaga nga yang, shi gaw “Tara Sara ni hpe sadi nga mu: shanhte gaw hpun palawng galu bu hpun nna hkawm dan mayu ma ai hte gat hkan e hkungga shachyen ai hpe hkam la mayu ma ai.

LUKA 20:46

Tara Sara ni hpe sadi nga mu, shanhte palawng galu bu hpun let hkawm sa mayu nna, gat hkan hkungga let shachyen shaga la na hpe ra ma ai hte tara jawng hkan na reng grau ai dung shara ni hte lusha poi hta kaja htum ai shara ni hta dung na sharawng ai hta n ga,

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.