MAHTE 23:18 - Jinghpaw Common Language Bible 2009

¹⁸ Bai nna nanhte gaw, ‘Kadai rai ti mung, dai hkungri hpe lakap nna dagam yang, dai dagam da ai ga hte maren n shatup ti mung hpa n ra ai. Rai ti mung, hkungri ntsa na kumhpa hpe lakap nna dagam yang gaw, dai hpe shi n hkan shatup n mai rai na rai nga ai,’ nga nna sharin myit dai.

Jinghpaw Hanson Version Bible

¹⁸ Bai lam mi gaw, Kadai rai timung, dai hkungri hpe dagam yang, hpa n re ai, nga myit timung, hkungri ntsa na kumhpa hpe dagam ai wa gaw, hka kap na rai nga ai, nga nna nanhte tsun nga myit dai.

MAHTE 23:18 ပူးပေါင်းရင်းမြစ်များ

2 HKAWHKAM LABAU 6:22

“Masha langai gaw kaga langai wa hpe shut hpyit nna mara shagun hkrum ai hte ndai Nawku Htingnu kata na, na a tawn hkungri de woi sa nhtawm shi mara n kap nga ai hpe sa dagam yang,

BU HKAWM 30:2

Lasha langai ngai dai Madu hpe arai lama ma sak jaw na nga, ga shaka tawn da ai rai yang mung, shing n rai arai lama ma koi gam na nga dagam shaka da ai rai yang mung, shi a ga sadi hpe jahten lu na n rai; shi galaw na ngu tsun da sai hte maren lam shagu hpe shi galaw na rai wu ai.

MAHTE 23:16

Myi kyaw let lam madun ai ni e, nanhte dingnye lu myit dai! ‘Kadai rai ti mung, Nawku Htingnu mying gang nna dagam yang gaw, dai ga hpe shi n hkan shatup ra ai. Rai ti mung dai Nawku Htingnu na ja hpe lakap nna dagam ai wa gaw, shi a dagam da ai ga n shatup n mai rai na rai nga ai, nga nna nanhte sharin myit dai.

MAHTE 23:17

Angawk nna myi kyaw ai ni e, ndai aja hpe shachyoi shapra ai Nawku Htingnu hte dai aja yan hta gara wa mahtang grau ahkyak kaba rai nga a ta?

MAHTE 23:19

Myi kyaw ai ni e, dai kumhpa hpe shachyoi shapra ai hkungri hte dai kumhpa gaw gara mahtang grau ahkyak kaba rai nga a ta?

MARKU 7:11

Rai ti mung nanhte gaw, masha langai mi kanu shing n rai kawa hpe karum na matu jai lang lu ai arai lama ma lu ai rai ti mung, ‘Ndai arai gaw Korban rai nga ai,’ (de a lachyum, Karai Kasang kaw sak nawng kau sai Karai Kasang hte seng ai arai she re) nga nna tsun ai wa kadai mung,

GALATI 5:3

Dai hta n ga, matu gadoi hkam ai wa gaw jep ai Tara nlang hte hpe shatup shadik lu na ra ai ngu nna, matu gadoi hkam ai masha yawng hpe ngai kalang mi bai sadi jaw nngai.