MAHTE 23:11 - Jinghpaw Common Language Bible 2009

¹¹ Nanhte hta na grau kaba ai wa gaw nanhte a ali ama tai u ga.

Jinghpaw Hanson Version Bible

¹¹ Nanhte hta na grau mayu ai wa gaw, nanhte a ali ama tai u ga.

MAHTE 23:11 ပူးပေါင်းရင်းမြစ်များ

MAHTE 23:10

Bai, ‘Ningbaw’ ngu nna shamying na hpe hkum ra myit: hpa majaw nga yang, nanhte a langai sha rai nga ai ningbaw wa gaw Meshia ngu ai wa sha rai nga ai.

MARKU 9:35

Shaloi Yesu dung nna, sape shi lahkawng hte hpe shaga la nhtawm, shanhte hpe, “Kadai rai ti mung, nambat langai shara hta nga mayu ai wa gaw yawng a hpang na wa hte, yawng a ali ama tai u ga,” ngu mu ai.

1 KORINHTU 9:19

Shing rai ngai gaw, kade a mayam mung n rai nngai; rai ti mung, masha law lu ai made law hkra Hkristu hpang de woi lum la lu hkra, ngai gaw nye a hkum hpe masha nga manga a mayam shatai we ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.