MAHTE 22:5 - Jinghpaw Common Language Bible 2009

⁵ Rai ti mung shaga da hkrum ai manam ni gaw, dai ga hpe hpa n nawn mu ai rai nna, langai wa gaw shi hkauna de, kaga wa gaw shi a gat rai dut ai de sa mat wa ma ai.

Jinghpaw Hanson Version Bible

⁵ Shanhte gaw dai ga hpe hpa n na nawn mu ai rai nna, langai ngai gaw tinang a hkauna de, kaga gaw tinang a rai dut ai de sa mat wa ma ai.

MAHTE 22:5 ပူးပေါင်းရင်းမြစ်များ

NINGPAWT NINGHPANG 19:14

Dai hpang Lawt gaw shi a shayi sha ni hpe la na hkyen ai kahkri ni hpang de sa nhtawm, “Alawan rawt manu, ndai shara kaw nna pru mat wa manu; dai Madu gaw ndai shara hpe jahten kau na nu ai,” ngu nna tsun dan wu ai. Rai ti mung, shi shatu nga ai ngu nna shanhte myit nawn ya mu ai.

NINGPAWT NINGHPANG 25:34

Dai hpang Yaku mung Esaw hpe muk hte si mai ntsin loi mi jaw wu ai. Shi mung dai ni hpe lu sha nhtawm bai rawt hkawm mat wa wu ai. Esaw gaw shi a hpu lat aya hpe n gawn n sawn di kau wu ai.

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 22:4

Dai rai nna shi gaw, mayam kaga ni hpe bai shangun dat nna, ‘Nye a lusha poi gaw ya jin jin rai sai, nye a usu ni hte kawn da ai yam nga ni hpe sat kau ngut sai, yawng mayawng jin jin rai sai, hkungran poi de sa marit!, ngu nna shaga da sai ni hpe sa tsun mu,’ ngu dat mu ai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

YAWHAN 2:16

Hkrudu dut ai ni hpe mung, “Ndai ni hpe ndai kaw na la pru mat wa mu! Nye Wa a nta e gat dut shara hkum shatai mu,” ngu nna tsun mu ai.

KASA 2:13

Rai ti mung nkau mi gaw, “Shanhte sabyi nang nga ma ai,” nga nna tsun jahpoi ma ai.

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

ROMA 8:6

Hkum shan myit e up hkang kau ai gaw si mat ai hpe shabyin nga ai; Wenyi e up hkang kau ai gaw asak hkrung ai lam hte ngwi pyaw ai lam hpe shabyin nga ai.

2 TIMOHTI 3:4

mayun gumlau ai ni, sadi n dung nna kam mara re ai ni, myit tsaw myit dap nna gumrawng myit kaba ai ni rai nna, shanhte gaw Karai Kasang hpe tsaw ra na malai tinang a pyaw daw lam hpe grau ra sharawng ai ni rai na mara ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.