MAHTE 22:42 - Jinghpaw Common Language Bible 2009

⁴² “Nanhte gaw Meshia a lam kaning ngu myit nga myit ta? Shi gaw gade a kasha rai nga a ta?,” ngu nna san mu ai. Shanhte gaw, “Dawi a Kasha rai nga ai,” ngu mu ai.

Jinghpaw Hanson Version Bible

⁴² “Nanhte gaw Hkristu a lam kaning ngu myit nga myit ta? shi gaw gade a Kasha rai nga a ta?” ngu nna san wu ai.

MAHTE 22:42 ပူးပေါင်းရင်းမြစ်များ

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 22:43

Bai Yesu gaw, “Dai rai yang gaw, Dawi Hkawhkam gaw Chyoi Pra ai Wenyi e shadut ai hte Meshia hpe ‘Madu’ nga nna kaning rai shaga lu a ta? Hpa majaw nga yang, Dawi gaw,

MAHTE 9:27

Yesu gaw dai shara kaw na sat sa wa yang, myi kyaw ai masha lahkawng shi kaw hkan nang let, “Dawi a Kasha e, an hpe matsan dum la mi,” nga nna jahtau ma ai.

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.